«بايتەرەك» عارىش زىمىران كەشەنىندە سىناق قاشان اياقتالادى

استانا. KAZINFORM - سيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى دوسجان مۇساليەۆ «بايتەرەك» عارىش زىمىران كەشەنىن پايدالانۋعا قاتىستى تۇسىنىك بەردى.

- قازىر «بايتەرەك» جوباسىنىڭ جوبالىق-سمەتالىق قۇجاتتارى اياقتالدى. تەحنيكالىق جۇمىس باستالىپ تا كەتتى. جىل سايىن ءۇش رەت ۇشىرۋ جوسپارلانعان. سىناق رەتىندە ۇشىرۋ ءتارتىبى 2027 -جىلعا دەيىن جوسپارلانعان. 2028 -جىلدان باستاپ تولىققاندى پايدالانىلادى. 2028 -جىلدان ءتورت رەت زىمىران-تاسىعىشتى ۇشىرۋ ەسكەرىلگەن. ال رەسەيلىك تاراپ ونىڭ ۇشەۋىنە كەپىلدىك بەرىپ قويعان، - دەدى د. مۇساليەۆ سەناتتا تىلشىلەر سۇراعىنا جاۋاپ بەرە وتىرىپ.

ونىڭ ايتۋىنشا، «بايتەرەك» جوباسى بويىنشا ىنتىماقتاستىق رەسەيمەن جەكە ۇكىمەتارالىق كەلىسىم اياسىندا جۇزەگە اسىرىلىپ جاتىر.

ەسكە سالساق، بيىل ماۋسىم ايىنىڭ باسىندا پارلامەنت ءماجىلىسى «2004 -جىلعى 22- جەلتوقسانداعى قازاقستان ۇكىمەتى مەن رەسەي ۇكىمەتى اراسىنداعى «بايقوڭىر» عارىش ايلاعىندا «بايتەرەك» عارىش زىمىران كەشەنىن قۇرۋ تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭى قابىلداندى.

سونىمەن قاتار «بايتەرەك» ب ق» ا ق- نىڭ باسقارما ءتوراعاسى ايدىن ايىمبەتوۆ «بايتەرەك» كەشەنىنەن «سويۋز-5» زىمىران-تاسىعىشىنىڭ العاشقى ۇشىرىلىمى جىل سوڭىنا جوسپارلانعانىن راستادى.