«بايتەرەك» ۇ ب ح» ا ق ەل ەكونوميكاسىن قولداۋ ماقساتىندا 3,5 تريلليون تەڭگە بولەدى

استانا. KAZINFORM - ۇكىمەتتىڭ ەكونوميكالىق ءوسۋدى قامتاماسىز ەتۋ جونىندەگى ءىس-قيمىل جوسپارى شەڭبەرىندە «بايتەرەك» ۇلتتىق باسقارۋشى حولدينگى» ا ق قازاقستان ەكونوميكاسىنا شامامەن 3,5 تريلليون تەڭگە سوماسىندا قولداۋ كورسەتۋدى جوسپارلاپ وتىر.

بۇل تۋرالى ۇكىمەت وتىرىسىندا ق ر پرەمەر-ءمينيسترى ولجاس بەكتەنوۆ مالىمدەدى.

«ۇكىمەت «سامۇرىق-قازىنا» جانە «بايتەرەك» حولدينگتەرىنىڭ، ىشكى كاپيتال نارىعىنىڭ رەسۋرستارى مەن قاراجاتىن، ەكونوميكا ءۇشىن باسىم جوبالاردى قارجىلاندىرۋعا تىكەلەي شەتەلدىك ينۆەستيتسيالار مەن جەكە كاپيتالدى بەلسەندى تۇردە تارتادى. «بايتەرەك» جەلىسى بويىنشا اعىمداعى جىلى 3 تريلليون تەڭگەدەن استام سوماعا جوبالاردى قارجىلاندىرۋ جوسپارلانۋدا»، - دەپ تولىقتىردى ولجاس بەكتەنوۆ.

قولداۋدىڭ نەگىزگى بولىگى تىكەلەي قولداۋ قۇرالدارى ارقىلى كورسەتىلەتىن بولادى، وعان 2,8 تريلليون تەڭگە بولىنەدى. بۇل قاراجات كەلەسىدەي بولىنەدى:

ەكونوميكانىڭ ناقتى سەكتورىنىڭ جوبالارىن قارجىلاندىرۋ: شامامەن 1,4 تريلليون تەڭگە؛

كوكتەمگى ەگىس جانە ەگىن جيناۋ جۇمىستارىن قوسا العاندا، اگروونەركاسىپتىك كەشەن جوبالارىن قارجىلاندىرۋ: 0,5 تريلليون تەڭگەدەن استام؛

تۇرعىن ءۇي بلوگىن قولداۋ: شامامەن 0,4 تريلليون تەڭگە؛

«ناۋرىز» جانە «وتاۋ» يپوتەكالىق باعدارلامالارىن ىسكە اسىرۋ: 0,4 تريلليون تەڭگە؛

ەكسپورتتاۋشىلار مەن شاعىن جانە ورتا بيزنەس سۋبەكتىلەرىن (شوب) قولداۋ: 32 ميلليارد تەڭگە.

بۇدان باسقا، كەپىلدىك بەرۋ، سۋبسيديالاۋ جانە ساقتاندىرۋ سياقتى جاناما قولداۋ قۇرالدارى ارقىلى 700 ميلليارد تەڭگەدەن استام قاراجات بولىنەتىن بولادى:

ينۆەستيتسيالىق جوبالار مەن ش و ب جوبالارى بويىنشا كەپىلدىكتەر بەرۋ: 150 ميلليارد تەڭگەدەن استام؛

ش و ب سۋبەكتىلەرىنە سۋبسيديالار بەرۋ: شامامەن 300 ميلليارد تەڭگە؛

ەكسپورتتىق وپەراتسيالاردى ساقتاندىرۋ: شامامەن 300 ميلليارد تەڭگە.

بۇل باستاما ەكونوميكالىق تۇراقتىلىقتى نىعايتۋعا جانە قازاقستان ەكونوميكاسىنىڭ نەگىزگى سەكتورلارىندا ءوسۋدى ىنتالاندىرۋعا باعىتتالعان.

اۆتور

باقىتگۇل اباي قىزى