- مىسالى ەۋروپاداعى ميللياردەرلەردىڭ بىرەۋىنىڭ اتىن بىلەسىز بە؟ ايتپەسە نيدەرلاندىداعى، گەرمانياداعى ميللياردەرلەر سانى رەسەيدەگى بايلاردان كوپ. بىرەۋىنىڭ دە اتىن بىلمەيمىز. ەسەسىنە قازاقستاننىڭ ميللياردەرلەرىن جاتقا بىلەمىز. توي-تومالاعىنا قانداي جۇلدىزدى قانداي اقشاعا شاقىرعانىن بىلەمىز. مۇنىڭ جۇرتتىڭ قىتىعىنا تيەتىنىن دە بىلەمىز، - دەدى دەپۋتات.
ونىڭ ايتۋىنشا، ءتۇپتىڭ تۇبىندە وسىنىڭ بارلىعى ىزەت تانىتۋ، مادەنيەت تانىتۋعا كەلىپ تىرەلەدى.
- وتكەندە بەلگيا كورولدىگىنەن ءجۇز شاقتى كاسىپكەر كەلدى. ولاردىڭ كيىمىنە نازار اۋدارىڭىزشى. ەشبىر التىنداتىلعان كوستيۋم كورمەدىم، ءبارى - قاراپايىم، كۇندەلىكتى كيۋگە ىڭعايلى پيدجاكتار. بۇل دا - بايلىقتىڭ مادەنيەتى. ءبىز ءبىر جاعىنان مال شاشپاقتى سالىقتىق تۇرعىدان شەكتەسەك، ەكىنشى جاعىنان مادەني جۇمىستار دا قاتار جۇرگىزىلىپ وتىرۋى كەرەك، - دەدى ايدوس سارىم.
دەپۋتاتتىڭ ايتۋىنشا، اۋقاتتى بايلارعا قاراپايىم ازاماتتار الىپ وتىرعان جاردەماقىدان باس تارتۋ ۇسىنىلعان. ناتيجەسىندە كوپتەگەن ءىرى كاسىپكەرلەر جاردەماقىدان ءوز ەركىمەن باس تارتىپ جاتىر.
ەسكە سالا كەتسەك، بۇگىن پرەزيدەنت قاسىم-جومارت توقايەۆ بايلارعا سالىقتى كوتەرۋدى ۇسىندى.
ۇكىمەت پەن قۇرىلتاي وسى ماسەلەنى زەردەلەپ، ءتيىستى ۇسىنىستار ەنگىزۋگە ءتيىس.