بايدەن «ميلتون» داۋىلىنا بايلانىستى شەتەلگە ساپارىن كەيىنگە قالدىردى

استانا. KAZINFORM - ا ق ش پرەزيدەنتى دجو بايدەن فلوريداعا «ميلتون» داۋىلىنىڭ جاقىنداۋىنا بايلانىستى وسى اپتادا گەرمانيا مەن انگولاعا جوسپارلانعان ساپارىن كەيىنگە قالدىردى. بۇل تۋرالى شينحۋا اقپارات اگەنتتىگى حابارلادى.

«پرەزيدەنت بايدەن «ميلتون» داۋىلىنىڭ بولجامدى تراەكتورياسى مەن اۋىرلىعىن ەسكەرە وتىرىپ، وعان دەن قويۋ شارالارىن جانە وڭتۇستىك- شىعىستاعى «حەلەن» داۋىلىنان كەيىنگى قالپىنا كەلتىرۋ جۇمىستارىن قاداعالاۋ ءۇشىن گەرمانيا مەن انگولاعا ساپارىن كەيىنگە قالدىردى»، - دەپ مالىمدەدى اق ءۇيدىڭ باسپا ءسوز حاتشىسى كارين جان-پەر.

پرەزيدەنت تاڭەرتەڭ اق ۇيدە بولىپ، الدىمەن فەدەرالدى ۇكىمەتتىڭ «حەلەن» داۋىلىن ەلەۋ جانە «ميلتون» داۋىلىنا دايىندىق جۇمىستارى تۋرالى بريفينگىنى تىڭداپ، ودان كەيىن وسى جۇمىس تۋرالى جاڭارتىلعان اقپارات بەردى.

ايتا كەتەيىك، بايدەن بەيسەنبى كۇنى ۋكراينا قورعانىسى جونىندەگى بايلانىس توبىنىڭ وتىرىسىنا قاتىسۋ ءۇشىن بەرلينگە ۇشۋدى جوسپارلاعان. سودان كەيىن ول انگولاعا ساپار جاساماق بولدى.

ەسكە سالساق، بۇعان دەيىن «ميلتون» داۋىلىنىڭ فلوريدا جاعالاۋىنا جاقىنداعانىن جازعان ەدىك.

اۆتور
زارينا تۋعانبايەۆا