باياناۋىلدا دەمالىس ماۋسىمى قاشان اشىلادى

  پاۆلودار. قازاقپارات- 15-ماۋسىمدا جاسىباي كولىندە پاۆلودار وبلىسىنىڭ دەنە شىنىقتىرۋ جانە سپورت باسقارماسىنىڭ ۇيىمداستىرۋىمەن جازعى دەمالىس ماۋسىمىنىڭ اشىلۋ سالتاناتىنا ارنالعان كونسەرت وتەدى.

باعدارلاما اياسىندا قولونەر شەبەرلەرىنىڭ جارمەڭكەسى، انيماتورلاردىڭ قاتىسۋىمەن بالالارعا ارنالعان قىزىقتى ءىس- شارالار، سپورتتىق جانە ۇلتتىق ويىندار، جاعاجاي ۆولەيبولىنان جارىستار، ارقان تارتىس ۇيىمداستىرىلماقشى.

باسقارمانىڭ مالىمەتىنشە، دەمالۋشىلار ءتورت باعىت بويىنشا ەكسكۋرسيالار تاڭداپ، دەمالۋعا مۇمكىندىكتەرى بار.

باياناۋىل باۋرايىندا ورنالاسقان كەمپىر تاس، تورايعىر كولى، اۋليە بۇلاق، سايمان تاس، قوڭىر اۋليە، بىرجانكول سىندى كورىكتى مەكەندەردى ارالاۋعا بولادى.