دۋبايدا دۇيسەنبى كۇنى 76 جاسىندا قايتىس بولعان شەيح احمەد بەن راشيد ءال ماكتۋمنىڭ قازاسىنا بايلانىستى 21-30 -قىركۇيەك ارالىعىندا ون كۇندىك رەسمي ازا تۇتۋ جاريالاندى.
ءتيىستى شەشىمدى دۋباي ءامىرىنىڭ كەڭسەسى قابىلدادى. بۇل تۋرالى WAM امىرلىك اقپارات اگەنتتىگى حابارلادى.
وسى كەزەڭدە امىرلىكتەگى مەملەكەتتىك تۋ تومەن تۇسىرىلەدى. ازا تۇتۋ جاريالانۋى دەمالىس كۇندەرىن بىلدىرمەيدى. سوندىقتان بيلىك وزگەشە شەشىم قابىلداماسا، جەكەمەنشىك كومپانيالار مەن ءبىلىم بەرۋ ۇيىمدارى ءوز جۇمىسىن جالعاستىرا بەرەدى.
مۇنداي كەزدە مەملەكەتتىك تەلەارنالار مەن راديوستانسيالار حابار تاراتۋ كەستەسىن وزگەرتەدى. ال ويىن-ساۋىققا ارنالعان ءىس-شارالار توقتاتىلىپ، كەيىنگە قالدىرىلۋى مۇمكىن.
سەيسەنبىدە دۋباي ءامىرى، ب ا ءا ۆيتسە- پرەزيدەنتى ءارى پرەمەر-ءمينيسترى شەيح مۇحاممەد بەن راشيد ءال ماكتۋم زابيل ۇلكەن مەشىتىندە اعاسىنا ارناپ جانازا نامازىنا قاتىستى.
جانازاعا دۋبايدىڭ تاق مۇراگەرى شەيح حامدان بەن مۇحاممەد، بيلەۋشى اۋلەتتەردىڭ وزگە دە وكىلدەرى، مينيسترلەر مەن جوعارى لاۋازىمدى تۇلعالار قاتىستى.
احمەد بەن راشيد دۋباي ءامىرىنىڭ ءىنىسى ءارى 1958-1990 -جىلدارى امىرلىكتى باسقارعان، سونداي-اق ب ا ءا- ءنىڭ نەگىزىن قالاۋشىلاردىڭ ءبىرى بولعان شەيح راشيد بەن سايد ءال-ماكتۋمنىڭ ءتورت ۇلىنىڭ كەنجەسى ەدى. ول ساندحەرست كورولدىك اسكەري اكادەمياسىن ءبىتىرىپ، دۋباي پوليتسياسى مەن قوعامدىق قاۋىپسىزدىك باسقارماسى ءتوراعاسىنىڭ ورىنباسارى قىزمەتىن اتقارعان.
شەيح احمەد كوپ جىل «ال-ۆاسل» فۋتبول كلۋبىن باسقاردى. سونداي-اق ات سپورتى مەن سۋ سپورتىنىڭ دامۋىنا ۇلەس قوستى. ونىڭ ەسىمى دجەبەل-الي يپپودرومىنىڭ قالىپتاسۋىمەن جانە دۋباي حالىقارالىق تەڭىز سپورت كلۋبىنىڭ قۇرىلۋىمەن بايلانىستى.
ب ا ءا پرەزيدەنتى شەيح مۇحاممەد بەن زايد ءال-ناحايان باستاعان ەل باسشىلىعى مەن امىرلىكتەر بيلەۋشىلەرى مارقۇمنىڭ تۋعان- تۋىستارىنا كوڭىل ايتتى.
- سەن كوزدەن كەتسەڭ دە، كوڭىلدەن كەتپەيسىڭ. دۇعامىزدا دا، جۇرەگىمىزدە دە ماڭگى قالاسىڭ، - دەپ اعاسىمەن قوشتاستى شەيح مۇحاممەد بەن راشيد.
بۇعان دەيىن مەملەكەت باسشىسىنىڭ شەيح مۇحاممەد بەن راشيد ءال ماكتۋمعا كوڭىل ايتقانى حابارلانعان بولاتىن.