باتىس قازاقستاندا ورتەنگەن ءۇي ىشىندە قۇران جانباي قالعان
ورال. KAZINFORM - باتىس قازاقستان وبلىسى بايتەرەك اۋدانى بايقونىس اۋىلىندا قوس قاباتتى ءۇي ورتەندى.
ب ق و ت ج دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، وقيعا 19-تامىز كۇنى ساعات 10.46 دا مۇحيت كوشەسى 42-مەكەنجايدا بولدى.
«قوس قاباتتى ۇيدە 80 شارشى مەتر اۋماقتا ەكى جاتىن جانە ءىشىنارا قوناق بولمەسى، جيھاز جانە جەكە زاتتار جانعان. «ءتىلسىز جاۋ» ساعات 11.28 دە وقشاۋلانىپ، 12.02 دە اۋىزدىقتالدى. زارداپ شەككەندەر جوق. الدىن الا مالىمەت بويىنشا ءورت ەلەكتر سىمدارىنىڭ قىسقا تۇيىقتالۋىنان شىققان» ، دەپ حابارلادى ۆەدومستۆودان.
اۋىل تۇرعىندارىنىڭ سوزىنە قاراعاندا، وتقا ورانعان ءۇي ىشىندە قۇران جانباي قالعان.
بايقونىس اۋىلدىق وكرۋگىنىڭ اكىمى الماس قوڭىروۆ وقيعانى راستادى.
«اۋىلدىق وكرۋگ اكىمدىگىنىڭ ماماندارى ءورت سوندىرۋشىلەرمەن بىرگە انىقتادى. باسقا زاتتار جانىپ كەتسە دە، ورتەنبەگەن قۇران تابىلعان»، دەدى Kazinform تىلشىسىنە ا. قوڭىروۆ.
تانىستارىنىڭ ايتۋىنشا، اتالمىش ۇيدە ايەل ەنەسىمەن جانە ءۇش بالاسىمەن تۇرعان. ولاردىڭ جالعىز باسپاناسى جانىپ كەتكەندىكتەن، ۇلكەن زيانعا قالعان.
قازىرگى كەزدە ءۇيدى قالپىنا كەلتىرۋ ءۇشىن قارجى جينالۋدا.