ورال. KAZINFORM - باتىس قازاقستان وبلىسى پوليتسيا دەپارتامەنتىنىڭ تابيعاتتى قورعاۋ پوليتسياسى زاڭسىز اڭ اۋلاۋ دەرەگىن انىقتادى.
ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، وقيعا بايتەرەك اۋدانى اۋماعىندا بولدى.
تۇنگى ۋاقىتتا ۇلكەن شاعان- پەرەمەتنىي تاس جولىنىڭ 15-شاقىرىمىندا ورال قالاسىنىڭ 53 جاستاعى تۇرعىنى ايداپ كەلە جاتقان Toyota Land Cruiser اۆتوكولىگى توقتاتىلدى.
- كولىكتى تەكسەرۋ بارىسىندا سالوننان ەكى قاباننىڭ ۇشاسى، 7 دانا وق-ءدارى، ەكى پىشاق جانە ءبىر بالتا تابىلىپ، تاركىلەندى. كولىك ايىپ تۇراعىنا قويىلدى. اتالعان دەرەك بويىنشا قىلمىستىق ءىس قوزعالىپ، تەرگەۋ امالدارى جۇرگىزىلىپ جاتىر، - دەپ حابارلادى ۆەدومستۆودان.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан