باتىس قازاقستاندا جانتۇرشىگەرلىك جول اپاتىنان 5 ادام كوز جۇمدى
باتىس قازاقستان وبلىسىندا جانتۇرشىگەرلىك جول اپاتىنان 5 ادام كوز جۇمدى، دەپ حابارلايدى Kazinform.
ب ق و ت ج دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، وقيعا 9-قاڭتار كۇنى جاڭاقالا اۋدانى اۋماعىندا بولدى.
«ساعات 17.17-دە چاپايەۆ- جاڭاقالا جولى بويىندا اقبالشىق پەن پياتيمار اۋىلدارىنىڭ اراسىندا Toyota Estima جانە Hyundai SantaFe اۆتوكولىكتەرى بەتپە-بەت سوقتىعىستى. جول اپاتى سالدارىنان بەس ادام مەرت بولدى. قۇتقارۋشىلار مارقۇمداردىڭ دەنەسىن اۆتوكولىكتەن شىعاردى»، دەپ حابارلادى ۆەدومستۆودان.
ب ق و پوليتسيا دەپارتامەنتىنىڭ باسپا ءسوز قىزمەتى وقيعانى راستاپ، اقپاراتتى كەيىن بەرەتىنىن جەتكىزدى.
كۋاگەرلەردىڭ سوزىنە قاراعاندا، قازا تاپقانداردىڭ تورتەۋى ءبىر ءۇيدىڭ ادامدارى كورىنەدى.
وسىلايشا، وبلىستا جاڭا جىل باستالعاننان بەرگى 9 كۇن ىشىندە جول-كولىك وقيعالارىنان 12 ادام قازا تاپتى.
ەسكە سالا كەتەيىك، بۇدان بۇرىن بقو- دا جول اپاتىنان 1 ادام مەرت بولىپ، 4 ەۋى جاراقات العانىن جازعان ەدىك.
سونداي-اق ورالدا 17 جاسار قىز قازا تاپتى.
اۆتور
عايساعالي سەيتاق