باتىس قازاقستاندا ءبىرىنشى سىنىپقا 12 مىڭعا جۋىق وقۋشى قابىلدانادى

ورال. KAZINFORM - باتىس قازاقستان وبلىسىندا ءبىلىم بەرۋ ۇيىمدارىنا ءبىرىنشى سىنىپقا قابىلداۋ 1-ساۋىردەن 31-تامىزعا دەيىن جالعاسادى.

ب ق و ءبىلىم باسقارماسىنان ءمالىم ەتكەنىندەي، 2025-2026 وقۋ جىلىنا بولجام بويىنشا 1-سىنىپقا 12 مىڭعا جۋىق وقۋشى الىنباقشى.

قازىرگى تاڭدا 9997 بالا مەكتەپتەرگە قابىلدانسا، سونىڭ 7648 ى قازاق، 2349 ى ورىس تىلىندە ءبىلىم الۋعا نيەت ءبىلدىردى.

- وتىنىشتەر egov.kz «ەلەكتروندىق ۇكىمەت» ۆەب-پورتالى ارقىلى جانە قاعاز نۇسقادا ءبىلىم بەرۋ ۇيىمدارى ارقىلى (دەمالىس جانە مەرەكە كۇندەرىن قوسپاعاندا، دۇيسەنبىدەن باستاپ جۇمانى قوسا العاندا) قابىلدانادى. اتا-انالاردىڭ نەمەسە زاڭدى وكىلدەردىڭ ءوتىنىشى، № 065/ۋ نىساندى «پروفيلاكتيكالىق ەكپەلەر كارتاسى» جانە № 052-2/ۋ نىساندى «بالا دەنساۋلىعىنىڭ پاسپورتى»، بالانىڭ 3×4 س م ولشەمىندەگى 2 دانا فوتوسۋرەتى ۇسىنىلادى. ءبىلىم بەرۋ ۇيىمدارى دايىندىق دەڭگەيىنە قاراماستان، قىزمەت كورسەتەتىن اۋماقتا تۇراتىن بالالاردىڭ قولجەتىمدىلىگىن قامتاماسىز ەتە وتىرىپ، التى جاستاعى جانە كۇنتىزبەلىك جىلدا التى جاسقا تولاتىن بالالاردى ءبىرىنشى سىنىپقا قابىلداۋدى قامتاماسىز ەتەدى. قىزمەت ەتۋ اۋماعى قالالاردىڭ، اۋدانداردىڭ ءبىلىم بەرۋدى باسقارۋ ورگاندارىنىڭ بۇيرىعىمەن بەكىتىلەدى، - دەيدى باسقارما ماماندارى.

باسقارمادان تۇسكەن مالىمەتكە قاراعاندا، ق ر وقۋ-اعارتۋ مينيسترلىگىنىڭ 2023 -جىلعى 17-قاراشاداعى № 341 جانە سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ 2023 -جىلعى 17-قاراشاداعى № 556- بىرلەسكەن بۇيرىعى نەگىزىندە «جالپى ءبىلىم بەرەتىن مەكتەپتەردەگى ءبىلىم الۋشىلار مەن تاربيەلەنۋشىلەردىڭ جەكەلەگەن ساناتتارىن تەگىن جانە جەڭىلدىكپەن تاماقتاندىرۋدى ۇسىنۋ» مەملەكەتتىك قىزمەتىن ىسكە اسىرۋ ماقساتىندا وبلىس بويىنشا 365 مەملەكەتتىك مەكتەپتەردىڭ ىشىنەن 93 ىندە (اۋدان ورتالىقتارىندا، قالادا ورنالاسقان) اپپاراتتىق-باعدارلامالىق كەشەندەر ورناتىلدى.

بۇل مەكتەپتەردە 4 ءونىم جەتكىزۋشى بار: 22 مەكتەپتە «وتان- مەكتەپ»، 11 ىندە «الاقان»، التاۋىندا «قاز ءبىلىم»، 54 سىندە «ە-اسحانا». قازىرگى تاڭدا قوندىرىلعان اپپاراتتىق- باعدارلامالىق كەشەندەردىڭ «الەۋمەتتىك ءاميان» اقپاراتتىق جۇيەسىمەن ينتەگراتسيا جۇمىستارى 100 پايىز اياقتالدى.

سونىمەن قاتار جەرگىلىكتى بيۋدجەت ەسەبىنەن 1 ميلليارد 998 ميلليون تەڭگەگە 644401 دانا وقۋلىق ساتىپ الىندى. كۇنى بۇگىنگە دەيىن ءبىلىم باسقارماسى 9 باسپامەن كەلىسىم-شارت جاساسقان. وقۋلىقتار 25-تامىزعا دەيىن جەتكىزىلەدى.

ەسكە سالا كەتەيىك، بۇدان بۇرىن ورالدا سالىنىپ جاتقان جايلى مەكتەپ قۇرىلىسى نەلىكتەن كەشەۋىلدەگەنىن جازعان ەدىك.