ورال. KAZINFORM - باتىس قازاقستان وبلىسىندا ۇشقىشسىز ۇشاتىن اپپاراتقا ۇقساس زاتتىڭ تابىلۋىنا بايلانىستى تەكسەرۋ جۇمىستارى جۇرگىزىلىپ جاتىر.
ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، زات تاسقالا اۋدانىندا ەلدى مەكەننەن قاشىق اۋماقتا قۇلاعان.
- زات تۇتاس كۇيىندە تابىلعان، اقاۋى بايقالمايدى. قازىرگى كەزدە وقيعانىڭ ءمان-جايى انىقتالۋ ۇستىندە، - دەپ حابارلادى ۆەدومستۆودان.
تۇرعىنداردىڭ سوزىنە قاراعاندا، اتالمىش زات قازاقستان اۋىلدىق وكرۋگى اتامەكەن اۋىلىنان 18 شاقىرىم جەردە 18-ناۋرىز كۇنى تابىلعان. ونىڭ ۇزىندىعى 3 مەتر شاماسىندا.
بۇدان ءدال ءبىر اي بۇرىن وسىنداي زات بوكەي ورداسى اۋدانى اۋماعىنا قۇلاعان ەدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.