20:12, 13 جەلتوقسان 2023

باتىر جۇكەمبايەۆ الەمنىڭ ەكس-چەمپيونىمەن ايقاس الدىندا سالماق ولشەۋ ءراسىمىن وتكىزدى

ا ق ش- تىڭ فلوريدا شتاتىنداعى پلانت-سيتي قالاسىندا نەگىزگى جەكپە-جەگى قازاقستاندىق بوكسشى باتىر جۇكەمبايەۆ (21-1، 16 ك و) پەن فرانسۋز موحامەد ميمۋن (23-5، 4 ك و) اراسىندا وتەتىن بوكس كەشىنىڭ سالماق ولشەۋ ءراسىمى ءوتتى.

Фото: sports.kz

Kazinform بۇل تۋرالى Sports.kz-كە سىلتەمە جاساپ حابارلايدى.

جەكپە-جەك الدىندا ەكى بوكسشىنىڭ دا سالماعى ءبىرىنشى جارتىلاي ورتا سالماق شەكتەۋى - 63,5 كەلى/140 فۋنتتى كورسەتتى. الداعى ايقاس توعىز راۋندقا جوسپارلانعان.

باتىر جۇكەمبايەۆ ءوزىنىڭ كەيىنگى جەكپە-جەگىن قىركۇيەكتە ارگەنتينالىق بوكسشى ۋگو رولداناعا (22-2-1، 7 ك و) قارسى وتكىزىپ، تورەشىلەردىڭ ارالاس شەشىمىمەن جەڭىسكە جەتكەن. سونداي-اق ءبىرىنشى ورتاشا ديۆيزيونداعى WBA Continental North Americas ايماقتىق تيتۋلىن يەلەندى.

موحامەد ميمۋنعا كەلەر بولساق، ول شىلدەدە امەريكالىق ستيۆەن گالەانونى (12-1، 9 ك و) التىنشى راۋندتا نوكاۋتقا جىبەرگەن بولاتىن. بۇرىن فرانتسۋزدىق بوكسشى ءبىرىنشى جارتىلاي ورتا سالماقتا IBO نۇسقاسى بويىنشا الەم چەمپيونى بولعانىن ايتا كەتەيىك.

سپورت
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған. 2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист. Сейдақмет Бердіқұлов атындағы арнайы сыйлықтың лауреаты.