باسقارما باسشىلارى جازالاندى: الماتى وبلىسىنىڭ اكىمدىگى پروكۋراتۋرانىڭ شەشىمىمەن كەلىسپەيتىنىن مالىمدەدى
قونايەۆ. KAZINFORM - الماتى وبلىسىنىڭ اكىمدىگى پروكۋراتۋرانىڭ مەملەكەتتىك ساتىپ الۋ باسقارماسىنىڭ باسشىسى «كاسىپكەردىڭ قۇقىقتارىنا نۇقسان كەلتىردى» دەگەن شەشىمىمەن كەلىسپەيتىنىن ءمالىم ەتتى.
ءوڭىر اكىمدىگى ق ر ا ق ب ت ك 664-بابى بويىنشا مەملەكەتتىك ساتىپ الۋ باسقارماسىنىڭ باسشىسىنا قاتىستى اكىمشىلىك ءىس قوزعالۋىنا جانە 15 ميلليارد قارجى تۋرالى جاريالانعان اقپاراتقا جاۋاپ رەتىندە بۇل شەشىمگە شاعىم تۇسىرەتىندەرىن جەتكىزدى.
«ءىستى قوزعاۋ تۋرالى شەشىم الماتى وبلىسى قاراساي اۋدانىنىڭ اقىن سارا كوشەسى بويىندا جول سالۋعا كونكۋرستار وتكىزۋگە بايلانىستى تۋىنداعان. بۇل بويىنشا اتالعان باسقارما تەك مەملەكەتتىك ساتىپ الۋ تۋرالى زاڭناما شەڭبەرىندە، سونداي-اق سوتتىڭ وسى جىلدىڭ ناۋرىز جانە ءساۋىر ايىنداعى شەشىمدەرى مەن ۇيعارىمدارى نەگىزىندە ارەكەت ەتتى. مەملەكەتتىك ساتىپ الۋ باسقارماسى پروكۋراتۋرانىڭ شەشىمىمەن كەلىسپەيتىنىن جانە وعان زاڭدا بەلگىلەنگەن تارتىپپەن شاعىمدانادى»، - دەپ اتاپ ءوتتى وبلىستىق اكىمدىكتەن.
وسىعان دەيىن پروكۋراتۋرا الماتى وبلىسى اكىمدىگىنە قاراستى ەكى باسقارمانىڭ باسشىسى كاسىپكەرلىك قىزمەتكە زاڭسىز ارالاسقانى ءۇشىن اكىمشىلىك جاۋاپقا تارتىلعانى تۋرالى ايتقان بولاتىن.
اۆتور
الما مۇقانوۆا