باسپانا نارىعىندا باعانىڭ ماۋسىمدىق قۇلدىراۋى كۇتىلەدى
ەلىمىزدە باسپانا ساتىپ الۋ- ساتۋ مامىلەلەرىنىڭ سانى تۇراقتى. بۇل تۋرالى قازاقستاننىڭ رەلتورلارى بىرلەسكەن قاۋىمداستىعى پرەزيدەنتىنىڭ كەڭەسشىسى نينا لۋكيانەنكو ايتتى، دەپ حابارلايدى Kazinform.
باسپانا ساتۋ-ساتىپ الۋ مامىلەلەرىنىڭ سانى اي سايىن تۇراقتى. 32-33 مىڭ مامىلە دەڭگەيىندە قالىپ وتىر. قايتالاما نارىقتاعى قايتا باعالانعان جىلجىمايتىن مۇلىك يەلەرىنىڭ باعانى ءتۇسىرۋى جانە كەز كەلگەن نىساندى ساتۋ باعاعا بايلانىستى ەكەندىگى جايلى فاكتىنى قابىلداۋى قيىنداۋ.
«جارتى جىل بولدى، ساتا المادىق» دەيتىندەر باسپانا قۇنىن تىم جوعارى قويىپ وتىرعانداردىڭ ساناتىنا جاتادى»، - دەدى نينا لۋكيانەنكو اگەنتتىك تىلشىسىنە بەرگەن سۇحباتىندا.
ونىڭ اتاپ وتۋىنشە، بۇگىندە نارىقتا ساتىپ الۋشىلار باستى ويىنشىعا اينالىپ وتىر.
«ەندىگى ۋاقىتتا نارىقتاعى جەتەكشى ويىنشى ساتىپ الۋشى ەكەندىگىنە ەش نارسە ىستەي المايسىڭ جانە دە ولار ءوز باعالارى مەن شارتتارىن ۇسىنادى. ەگەر ساتۋشى ونىمەن كەلىسپەسە، وندا ساتىپ الۋشى باسقا ۇسىنىس كۇتەدى. ال ساتۋشىعا نارىقتاعى جالپى ۇردىستەن حابارى جوق اڭقاۋ ساتىپ الۋشىنى ىزدەۋىنە تۋرا كەلەدى. الداعى ۋاقىتتا ماۋسىمدىق قۇلدىراۋ كۇتىلەدى. ول كەزدە ۇسىنىس تا، سۇرانىس تا تومەندەيدى. قۇرىلىسشىلار تاراپىنان ساتىلىمدى ىنتالاندىرۋ ماقساتىنداعى ساتىپ الۋشىلارعا جاڭاجىلدىق كوپتەگەن وڭتايلى شارتتارى بار ۇسىنىستاردى كۇتەمىز. ساتىپ الۋشىلارعا وسى اكسيالاردى پايدالانۋعا كەڭەس بەرەر ەدىم»، - دەدى ول.