جاڭبىر، نايزاعاي، جەل: 28-30-قىركۇيەككە سينوپتيكتەر بولجامى

 «قازگيدرومەت» ر م ك 28-30- قىركۇيەك كۇندەرى قالىپتاساتىن اۋا رايىنا بولجامىن ۇسىندى، دەپ حابارلايدى قازاقپارات.

الداعى كۇندەرى رەسپۋبليكانىڭ باسىم بولىگىندە كۇن رايىنىڭ قۇبىلمالى سيپاتى ساقتالىپ، جاڭبىر، نايزاعاي، ەكپىندى جەل كۇتىلەدى.

تەك قازاقستاننىڭ باتىسىندا سولتۇستىك- باتىس انتيتسيكلونىنىڭ اسەرىنەن جاۋىن- شاشىنسىز كۇن رايى ءالى دە ساقتالادى.

تۇندە جانە تاڭەرتەڭ ەلدىڭ سولتۇستىك جارتىسىندا، رەسپۋبليكانىڭ وڭتۇستىك جانە وڭتۇستىك- شىعىسىنداعى تاۋلى اۋدانداردا تۇمان كۇتىلەدى.

ەلىمىزدىڭ شىعىسىندا 28-29- قىركۇيەكتە تۇنگى ۋاقىتتا 1-3 گرادۋسقا دەيىن ۇسىك ساقتالادى.

تەمپەراتۋرالىق فوندا ەلەۋلى وزگەرىستەر كۇتىلمەيدى، تەك رەسپۋبليكانىڭ وڭتۇستىگىندە، وڭتۇستىك- شىعىسىندا اۋا تەمپەراتۋراسى كۇندىز 17-23 -جىلىعا دەيىن، تاۋلى اۋدانداردا 8-13 -جىلىعا دەيىن بىرتىندەپ تومەندەيدى.