قازاقستاندا ءبولىپ تولەۋ ارقىلى ساتىپ الۋ نەلىكتەن ءتيىمدى

استانا. KAZINFORM - تاۋارلاردى نەمەسە قىزمەتتەردى ءبولىپ تولەۋگە ساتىپ الۋ قوعامدا نەسيە دەپ ءجيى قاتە قابىلدانىپ جاتادى. الايدا بۇل قۇرالداردىڭ ءجونى بولەك. پايىزسىز ءبولىپ تولەۋ دۇرىس قولدانىلسا، ءتيىمدى شەشىم بولا الادى.

قازاقستاندىقتار ءتۇرلى تاۋار مەن قىزمەتتى ءبولىپ تولەۋ ارقىلى رەسىمدەپ جاتادى. كيىم مەن گادجەتتەردەن تۋريستىك جولداماعا دەيىن. مۇنداي قۇرال ساتىپ الۋشىنىڭ تابىسىنا قارجىلاي اۋىرتپالىقتى تومەندەتۋگە كومەكتەسەدى.

وسىلايشا ول ساۋدانى ونلاين-ماركەتپلەيستەردە جۇرگىزەتىن كاسىپكەرلەرگە دە جاڭا مۇمكىندىك بەرەدى.

ساتىپ الۋشىعا پايداسى نەدە

ءبولىپ تولەۋدىڭ نەگىزگى پايدالارىنىڭ ءبىرى - تاۋار قۇنىن ۇزاق ۋاقىت مەرزىمىنە ءبولىپ الۋ مۇمكىندىگى.

بۇل ساتىپ الۋشىعا ءبىر ءىرى تولەممەن بيۋدجەتىنە اۋىرتپالىق تۇسىرمەي، قاراجاتىن وڭتايلى باسقارۋعا مۇمكىندىك بەرەدى. الايدا ءبولىپ تولەۋ مۇمكىندىگىن ادەتتە قاراجاتى جەتكىلىكتى، ءبىراق ونى جاراتقىسى كەلمەيتىن قازاقستاندىقتار دا قولدانادى.

مىسالى كيىم-كەشەككە نەمەسە گادجەتكە بىردەن 100 مىڭ تەڭگە جۇمساماي، ونى 3 ايعا ءبولىپ تولەۋگە رەسىمدەپ، 33 مىڭ تەڭگەدەن تولەپ وتىرۋعا بولادى. ال ەگەر ءبولىپ تولەۋ مەرزىمى بۇدان ۇزاق بولسا (6, 12 نەمەسە 24 اي)، وندا تولەم دە ازايىپ، اي سايىنعى تابىستىڭ قالعان بولىگىن باسقا ماقساتتارعا جۇمساۋعا ەركىندىك بەرەدى.

سونداي-اق ءبولىپ تولەۋ قىمبات تاۋارلاردى الۋدا تاپتىرماس ءادىس بولماق - جاسايتىن ساۋداڭىز شۇعىل بولسا (مىسالى توڭازىتقىش بۇزىلسا)، ۇزاق ۋاقىت اقشا جيناماي-اق الۋعا بولادى. سوندا قازاقستاندىقتار تاۋاردى بىردەن قولدانا الادى، ال قۇنىن اي سايىن ازداپ تولەپ وتىرا الادى. ال ادەتتەگى نەسيەگە تاۋار الاتىن نۇسقاعا قاراعاندا، بۇل جاعدايدا ساتىپ الۋشى ارتىق ۇستەمەاقى تولەمەيدى، سەبەبى ءبولىپ تولەۋ كەزىندە سىياقى بولمايدى. 100 مىڭ تەڭگە قۇنى بار تاۋارعا ارتىق تولەمسىز 100 مىڭ تەڭگە تولەۋ قاجەت.

باستىسى - اي سايىنعى سالىم سوماسى مەن ءوز قارجىلاي مۇمكىندىگىڭىزدى دۇرىس ەسەپتەپ الۋىڭىز. تاعى ءبىر ايتا كەتەرلىگى، ءبولىپ تولەۋ كاسىپكەرلەردىڭ وزىنە دە ماڭىزدى ءرول اتقارادى. بيزنەسكە تاپتىرماس قۇرال

ءبولىپ تولەۋ جولىمەن ساتۋ ساتىلىمنىڭ وسۋىنە ىقپال ەتەدى. مۇنداي ۇسىنىس بىردەن كوپ اقشا جۇمساعىسى كەلمەيتىن ساتىپ الۋشىلاردى كوبىرەك تارتىپ، ساتىپ الۋعا قىزىعۋشىلىعىن وياتا الادى.

بۇل ساتۋشىلارعا قارجىلىق اينالىمدى ارتتىرۋعا مۇمكىندىك بەرەدى:

سەبەبى ءبولىپ تولەۋ كەزىندە تاۋارعا اقشا الادى، ال ساتىپ الۋشى تولەمدەردى بانككە قۇيادى. سوندىقتان كاسىپكەر تەزىرەك كىرىس الادى، سونىڭ ارقاسىندا ول ءوز كليەنتتىك بازاسىن كەڭەيتە الادى، ءتىپتى جۇمىس ورىندارىن قۇرا وتىرىپ، جاڭا جۇمىسشىلاردى جالداي الادى.

سونىمەن بىرگە بۇل قۇرالدىڭ ەكونوميكاعا دا تيگىزەر پايداسى بار: بيزنەس قولما-قول اقشاسىز تولەمدەر جۇيەسى ارقىلى تولەم الادى، ياعني بۇل كىرىس رەسمي بولادى. ناتيجەسىندە بۇل سالىق تولەۋ ماسەلەلەرىندە اشىقتىقتى قامتاماسىز ەتەدى جانە كولەڭكەلى ەكونوميكانىڭ ۇلەسىن ازايتادى. ءوز كەزەگىندە سالىقتاردى تولەۋ حالىقتىڭ ءوزى ءۇشىن ءومىر ءسۇرۋ جاعدايلارىن جاقسارتا وتىرىپ، ءتۇرلى الەۋمەتتىك جانە ينفراقۇرىلىمدىق جوبالاردى تيىمدىرەك قارجىلاندىرۋعا مۇمكىندىك بەرەدى. ونىڭ ۇستىنە ەگەر ەلەكتروندى چەك بولسا، ساتىپ الۋشىنىڭ ءوزى دە قورعالادى - ءسىز اقاۋى بار ءونىمدى اۋىستىرۋعا نەمەسە ساتىپ الۋدان باس تارتۋعا جانە اقشانى قايتارۋعا تەزىرەك قول جەتكىزە الاسىز.

جالپى العاندا تاۋارلاردى ءبولىپ تولەۋ ارقىلى ساتىپ الۋ ساتىپ الۋشى ءۇشىن دە، ساتۋشى ءۇشىن دە ءتيىمدى. بۇل تولەم ءادىسى تاۋارلاردىڭ قولجەتىمدىلىگىن كەڭەيتۋگە، ساتىلىم كولەمىن ۇلعايتۋعا جانە ەكى تاراپ ءۇشىن دە قولايلى تاجىريبە جاساۋعا ىقپالىن جاسايدى. ەگەر ساتىپ الۋشى ءوزىنىڭ قارجىلىق مۇمكىندىكتەرىن ەسەپتەمەسە، تاۋەكەلدەر تۋىنداۋى مۇمكىن.

سوندىقتان ءبولىپ تولەۋ ءسىزدىڭ كىرىستەرىڭىز بەن شىعىندارىڭىزدىڭ دەڭگەيىن ەسكەرە وتىرىپ قولدانىلۋى كەرەك.

KAZ. NUR. KZ