بارلىق كىنالىلەر جاۋاپقا تارتىلادى - الماتى وبلىسىنىڭ اكىمى تالعارداعى جاعداي تۋرالى
قونايەۆ. KAZINFORM – ەڭبەكشى قازاق اۋدانى، ازات اۋىلىنداعى ورتكە جانە تالعار اۋدانىنداعى جاعدايعا بايلانىستى الماتى وبلىسىنىڭ اكىمى مارات سۇلتانعازيەۆ جەدەل شتاب وتىرىسىن وتكىزىپ، شۇعىل جيىن وتكىزدى.
«ءبىز مارقۇمنىڭ وتباسىنا كومەكتەسۋ ءۇشىن بار كۇشىمىزدى سالامىز. جاعداي باقىلاۋدا، بارلىق قۇقىق قورعاۋ ورگاندارى كۇشەيتىلگەن رەجيمدە جۇمىس ىستەپ جاتىر. زاڭدىلىقتى قامتاماسىز ەتۋ ءۇشىن شۇعىل شارالار قابىلداۋ قاجەت. بارلىق كىنالىلەر جاۋاپقا تارتىلادى»، - دەدى مارات سۇلتانعازيەۆ.
سونداي-اق وبلىس باسشىسى ورتەنگەن ءۇيدى تولىق قالپىنا كەلتىرۋدى تاپسىردى.
«وتباسىعا ماتەريالدىق جانە پسيحولوگيالىق كومەك كورسەتىلەدى»، - دەپ اتاپ ءوتتى اكىم.
ەسكە سالايىق، بۇعان دەيىن بۇعان دەيىن بۇعان دەيىن 4 -قازان كۇنى تالعار قالاسىنداعى توبەلەستەن جاسءوسپىرىم قايتىس بولعانىن جازعانبىز.
ال بۇگىن وسى جانجالدا بالاسى قايتىس بولعان وتباسىنىڭ ءۇيى ورتەندى. بۇل جاعدايدان كەيىن وتباسى پوليتسيا قىزمەتكەرلەرىنىڭ قورعاۋىنا الىندى.
ق ر باس پروكۋراتۋراسى قىلمىستى اشۋ ءۇشىن ۆەدومستۆوارالىق جەدەل-تەرگەۋ توبى قۇرىلعانىن حابارلادى.
اۆتور
دوسبول اتاجان