بارلىق حابارلاندىرۋ جۇيەسى شتاتتىق رەجيمدە جۇمىس ىستەدى - الماتى اكىمدىگى

الماتى. KAZINFORM - الماتى اكىمدىگى جەر سىلكىنىسىنەن كەيىن قالا تۇرعىندارى مەن قوناقتارىن سابىر ساقتاپ، قۇتقارۋ قىزمەتتەرىنىڭ نۇسقاۋلارىن ورىنداۋعا ۇندەدى.

- بارلىق حابارلاندىرۋ جۇيەسى شتاتتىق رەجيمدە جۇمىس ىستەدى: تۇرعىنداردىڭ تەلەفوندارىنا Mass Alert جۇيەسى ارقىلى حابارلامالار جىبەرىلدى، قالا بويىنشا داۋىس زورايتقىش ارقىلى ەسكەرتۋ سيرەنالارى قوسىلدى، - دەلىنگەن حابارلامادا.

اكىمدىكتىڭ مالىمەتىنشە، ساۋدا ورتالىقتارى مەن مەكتەپتەر، كوللەدجدەر، ج و و مەن قوعامدىق ورىنداردا ەۆاكۋاتسيا قالىپتى جاعدايدا ءوتتى. الگوريتمگە سايكەس، ادامدار عيماراتتاردا سىرتقا شىقتى. ۇرەي تۋدىرعان جاعدايلار بايقالعان جوق،

ەسكە سالايىق، الماتىدا بۇگىن، 4-جەلتوقساندا جەر سىلكىندى.

جەر استى ءدۇمپۋىنىڭ وشاعى الماتىدان وڭتۇستىك- شىعىسقا قاراي 277 شاقىرىم قاشىقتىقتا، قىتاي اۋماعىندا ورنالاسقان. ماگنيتۋداسى MPV 6.7، تەرەڭدىگى - 5 شاقىرىم. الماتىدا دۇمپۋلەر MSK-64 شكالاسى بويىنشا 3 بال دەڭگەيىندە سەزىلدى.

اۆتور

مەيىرمان لەس