بارلىق ادام دوستارىنىڭ قايعىسىنا ورتاقتاسادى، ساناۋلىسى عانا جەتىستىگىنە قۋانادى

استانا. قازاقپارات - وسكار ۋايلد تەك قانا تالانتتى جازۋشى، مىقتى اقىن عانا ەمەس، ۇلى ويشىل سانالادى. وسىنىڭ دالەلى بولاتىن تومەندەگى وي-تولعاۋلاردىڭ جۇرەگىڭىزدەن ورىن الاتىندىعىنا سەنىمىمىز مول.

ايەل مەن ەركەكتىڭ اراسىندا دوستىق بولمايدى. قۇمارلىق، دۇشپاندىق، ماحاببات - تەك قانا دوستىق ەمەس.

وزىڭمەن ءوزىڭ بول! باسقا رولدەر بوس ەمەس!

ءبىزدىڭ زاماندا ادامدار ءبارىنىڭ باعاسىن بىلەدى، الايدا ەشتەڭەنى دە باعالاي المايدى.

تۇرمىس قۇرعان ايەلدىڭ ماحابباتى - ۇلى نارسە. ونداي سەزىم ايەلى بار ەركەكتەردىڭ تۇسىنە دە كىرىپ شىقپايدى.

ەركەك جۇرەگىن جاۋلاۋ ءۇشىن، ايەل ونىڭ بويىنداعى ەڭ ناشار قاسيەتتەرىن وياتۋ كەرەك.

سەن ەركەكتەن قۇداي جاساپ الساڭ، ول سەنى تاستاپ كەتەدى. ال ناشار ادەتتەرىن وياتساڭ، ونى جىرتقىش ەتەسىڭ، ساعان جەتۋ ءۇشىن ارتىڭنان قالمايتىن بولادى.

ادامزاتتىڭ جاساپ كەلە جاتقاندىعىنا مىڭداعان جىلدار بولدى، ياعني، ايەل مەن ەركەكتىڭ اراسىندا باسقا ەشقانداي جاڭا نارسەنىڭ بولۋى مۇمكىن ەمەس.

ەركەكتەردى سىناۋعا، تالقىلاۋعا بولادى، ال ايەلدەردى تەك قانا ماپەلەۋ، قۇرمەتتەۋ كەرەك.

ەركەك ايەلدى جاقسى كورگەندە، ونىڭ السىزدىگىن، مىنەز-قۇلقىن، جەتىلمەگەندىگىن بىلەدى جانە وسى ءۇشىن ودان دا قاتتى جاقسى كورىپ كەتۋى مۇمكىن. سەبەبى جەتىلمەگەندىك قانا ماحابباتقا ءزارۋ، ال مىنسىزدەرگە ماحاببات قاجەت ەمەس.

مەنىڭ تالعامىم - كونبىس. ماعان ەڭ جاقسىنىڭ ءوزى جەتىپ جاتىر.

بارلىق ادامدار دوستارىنىڭ قايعىسىنا ورتاقتاسادى، الايدا، ساناۋلىسى عانا جەتىستىگىنە قۋانادى.

يدەال ەركەك ايەلمەن قۇدايىنداي سويلەسەدى، سابيدەي ەركەلەتەدى.

جاقسى ادام بولۋ - وزىڭمەن ءبىر مامىلەدە بولۋ دەگەن ءسوز.

ايەل كەنەتتەن جەڭىلۋ ارقىلى جەڭەدى.

بارىنەن ۇيرەنىڭىز. ەشكىمگە ەلىكتەمەڭىز!

مەن ءوزىمنىڭ ارتىمنان نە ايتىلاتىندىعىن بىلگىم كەلمەيدى - مەن ونسىزدا ءوزىم تۋرالى جوعارى پىكىردەمىن.

كارىلىكتىڭ تراگەدياسى - ادامنىڭ قارتايۋىندا ەمەس، ونىڭ جانىنىڭ جاس قالپىندا قالىپ قويۋىندا جاتىر.

ادامدى قۇرتقىڭ كەلسە، قايتادان تاربيەلەي باستا.

ەركەك كەز كەلگەن ايەلمەن باقىتتى بولا الادى، تەك سۇيگەنىمەن ەمەس...

ايەل ءبىرىنشىسى جەكسۇرىن بولعاندىعى ءۇشىن عانا ەكىنشى رەت تۇرمىسقا شىعادى. ال ەركەك ءبىرىنشىسىن سۇيگەنى ءۇشىن عانا ەكىنشى رەت ۇيلەنەدى. ايەل نەكەدەن باقىت ىزدەيدى، ال ەركەك ءومىرىن كارتاعا تىگەدى.

ەركەك ءوزىن ايەل قولداپ وتىرمايتىن بولسا، ەشبىر جەتىستىككە جەتە المايدى، ال ايەلدەر قوعامدى باسقارىپ وتىر.

ەركەك ءارقاشان ايەلدىڭ العاشقى ماحابباتى بولعىسى كەلەدى. ال ايەلدەر ەركەكتىڭ سوڭعى ماحابباتى بولۋدى ارماندايدى.

ءوزىنىڭ جاسىن ايتاتىن ايەلگە سەنۋدىڭ قاجەتى جوق. ونداي ايەل بارىنە دايىن.

ومىردە ەكى ناعىز تراگەديا بار. ءبىرى - قالاعانىڭا قول جەتكىزە الماۋ، ەكىنشىسى - قول جەتكىزگەندە...

كەڭەس بەرۋ - ءارقاشان قاتەلىك سانالادى. سەبەبى، جاقسى كەڭەس ءۇشىن ءسىزدى ەشكىم، ەشقاشان كەشىرمەيدى.

وزىڭە دەگەن ماحاببات - ماڭگىلىككە جالعاساتىن روماننىڭ باستاماسى.

ادام جانى كارى بولىپ تۋىلادى جانە ۋاقىت وتكەن سايىن جاسارا تۇسەدى. بۇل - ءومىردىڭ كومەديالىق تۇسى. ادام ءتانى جاس بولىپ تۋىلادى جانە ۋاقىت وتكەن سايىن قارتايا باستايدى. بۇل ءومىردىڭ - تراگەديالىق تۇسى.

اۋدارعان: ايگەرىم سماتۋللايەۆا

Massaget.kz