باقىتجان ساعىنتايەۆ جاڭا قىزمەتكە تاعايىندالدى
باقىتجان ساعىنتايەۆ ەۋرازيالىق ەكونوميكالىق كوميسسيا القاسىنىڭ ءتوراعاسى قىزمەتىنە سايلاندى.
بۇل تۋرالى ر ف پرەزيدەنتى ۆلاديمير پۋتين جوعارى ەۋرازيالىق ەكونوميكالىق كەڭەستە ايتتى.
«2024-جىلعى 1- اقپاننان باستاپ باسقارما باسشىسى لاۋازىمىنا كىرىسەتىن ساعىنتايەۆ مىرزاعا قوش كەلدىڭىز دەيمىن. ءبىز ونى جاقسى بىلەمىز، ول بۇرىننان ەەك مۇشەسى بولىپ جۇمىس ىستەگەن. مەن ونىڭ جاڭا مىندەتتەمەلەرىن ەش ويلانباستان قابىلدايتىنىنا سەنىمدىمىن»، - دەدى پۋتين.
بۇعان دەيىن بۇل قىزمەتتى بەلارۋستىڭ بۇرىنعى پرەمەر-ءمينيسترى ميحايل مياسنيكوۆيچ اتقارعان ەدى.
باقىتجان ساعىنتايەۆ 2022-جىلعى 1- ماۋسىمىنان باستاپ ەۋرازيالىق ەكونوميكالىق كوميسسيا القاسىنىڭ مۇشەسى (مينيستر) قىزمەتىن اتقارىپ جاتىر.
باقىتجان ساعىنتايەۆ 2022-جىلعى قاڭتاردا الماتى قالاسىنىڭ اكىمى قىزمەتىنەن بوساتىلدى.
بۇعان دەيىن ول بىرنەشە اي پرەزيدەنت اكىمشىلىگىنىڭ باسشىسى قىزمەتىن اتقارعان. 2016-جىلعى قىركۇيەكتەن 2019-جىلعى اقپانعا دەيىن ق ر پرەمەر-ءمينيسترى بولدى.
Massaget.kz