باقىتجان ساعىنتايەۆ ش ى ۇ باس حاتشىسى چجان مينمەن كەلىسسوز جۇرگىزدى

استانا. KAZINFORM - ەۋرازيا ەكونوميكالىق كوميسسيا القاسىنىڭ ءتوراعاسى باقىتجان ساعىنتايەۆ پەن شاڭحاي ىنتىماقتاستىق ۇيىمىنىڭ (ش ى ۇ) باس حاتشىسى چجان مين 3-شىلدە كۇنى استانادا وتكەن كەلىسسوز بارىسىندا الداعى ءوزارا ءىس-قيمىل اياسىندا جان-جاقتى پىكىر الماستى.

اتاپ ايتقاندا، تاراپتار ەەك پەن شىۇ حاتشىلىعى اراسىنداعى ءوزارا تۇسىنىستىك تۋرالى مەموراندۋم شەڭبەرىندە ەۋرازيا ەكونوميكالىق وداعى ەلدەرى مەن ش ى ۇ اراسىنداعى ىنتىماقتاستىقتىڭ كەلەشەگىن تالقىلادى.

اڭگىمە بارىسىندا باقىتجان ساعىنتايەۆ قازىرگى ۋاقىتتا اتالعان مەموراندۋمدى جۇزەگە اسىرۋ ءىس-شارالارىنىڭ جوسپارىن دايىنداۋ اياقتالىپ جاتقانىن اتاپ ءوتتى.

وسىعان بايلانىستى ەەك القاسىنىڭ ءتوراعاسى قۇجاتقا قول قويۋدى بيىل كۇزدە ارمەنيادا وتەتىن ەۋرازيالىق ەكونوميكالىق فورۋم اياسىندا ۇيىمداستىرۋدى ۇسىندى.

ە ە ك القاسىنىڭ باسشىسى ەۋرازيالىق ەكونوميكالىق وداق مەملەكەتتەرىنىڭ حالىقارالىق كولىك دالىزدەرىن، مۋلتيمودالدى جانە كونتەينەرلىك تاسىمالدى دامىتۋعا، وڭىردەگى جۇك تاسىمالدارىن سيفرلاندىرۋعا مۇددەلى ەكەنىن اتاپ ءوتتى.

وسىعان بايلانىستى بىرلەسكەن شارالاردى ازىرلەۋ ءۇشىن باقىتجان ساعىنتايەۆ الداعى ۋاقىتتا ش ى ۇ- عا قاتىسۋشى ەلدەردىڭ كولىك مينيسترلەرىنىڭ جانە ەاەو مەملەكەتتەرىنىڭ كولىك سالاسىنداعى ۋاكىلەتتى ورگان باسشىلارى كەڭەسىنىڭ بىرلەسكەن وتىرىسىن وتكىزۋدى ۇسىندى.

تاراپتار سونداي-اق ش ى ۇ شتاب-پاتەرىندە «ەاەو كۇندەرىن» وتكىزۋ تۋرالى ەەك باستاماسىن قارادى.

«بۇل ءىس-شارا بيزنەس-قوعامداستىق وكىلدەرىنىڭ نازارىن اۋداراتىنى ءسوزسىز. تاجىريبە الماسۋ ەلدەر اراسىنداعى ساۋدا-ەكونوميكالىق ىنتىماقتاستىقتى دامىتۋعا ىقپال ەتەتىنىنە سەنىمدىمىن»، - دەدى باقىتجان ساعىنتايەۆ.

ءوز كەزەگىندە چجان مين ش ى ۇ مەن ە ا ە و اراسىنداعى ءوزارا ارەكەتتەستىك فاكتورى زاماناۋي الەمدىك ساۋلەت ونەرىندە بارعان سايىن ماڭىزدى بولىپ كەلە جاتقانىن اتاپ ءوتتى.

ەكونوميكالىق ماسەلەلەر بويىنشا پراكتيكالىق تاجىريبە الماسۋعا باسا نازار اۋدارا وتىرىپ، ينتەگراتسيالىق ديالوگ ۇلكەن ەۋرازيانى دامىتۋ ءۇشىن قولايلى جانە بولجامدى جاعدايلاردى قامتاماسىز ەتۋگە ارنالعانىن ايتتى.