باقىتجان بازاربەك: سۋ قويمالارىنىڭ تاعدىرىن مافيا شەشىپ وتىر

استانا. KAZINFORM - ءماجىلىس دەپۋتاتى باقىتجان بازاربيەۆ پرەمەر-مينيستر ولجاس بەكتەنوۆ پەن باس پروكۋرور بەرىك اسىلوۆتىڭ اتىنا ساۋال جولداپ، سۋ قويمالارىن باسقارۋ ىسىندەگى بىلىقتاردى اتادى.

دەپۋتات سەرگەيەۆ سۋ قويماسىنىڭ جانىنداعى كەن ءوندىرۋ جوباسى حالىققا قاۋىپ ءتوندىرۋى مۇمكىن ەكەنىن ايتادى.

«مۇنداعى قاۋىپ سۋ كولەمى جوبالىق قۋاتىنان 80 پايىز اسقان، سۋ دەڭگەيى 4 مەتردەن جوعارى كوتەرىلگەن سۋ قويماسىنىڭ جانىندا قاۋىپتى كەنىش بار. ونداعى پايدالى قازبانى جارىلعىش زات ارقىلى يگەرۋ كوزدەلىپ وتىر. «دارحان ايدوس ۇلى» دەيتىن جەر قويناۋىن يگەرۋشى ج ش س- ءنىڭ 2017 -جىلى پايدالى قازبا الۋ تۋرالى 25 جىلدىق كەلىسىمشارت قالاي جاسالعانى تۇسىنىكسىز. جەر جالداۋ مەرزىمى 5 جىل بولعانىمەن، كەيىن 2042 -جىلعا دەيىن ۇزارتىلعان. 2015 -جىلعى قاۋلى بويىنشا ەسىل وزەنىنىڭ سۋ قورعاۋ ايماعى جاعادان 1000 مەتر ارالىقتى قامتيدى. ال سۋ قورعاۋ ايماعىنىڭ اۋماعىندا پايدالى قازبانى بارلاپ، يگەرۋگە، جارىلعىش ارقىلى قوپارۋعا تىيىم سالىنعان. ال سۋ شارۋاشىلىعى مەكەمەسى مەن وزگە دە مەملەكەتتىك ورگاندار كەنىشتەگى جارىلعىش زات ارقىلى جەر قويناۋىن قوپارۋ شارالارىنىڭ سەرگەيەۆ سۋ قويماسىنا قالاي اسەر ەتكەنىن تەكسەرمەگەن. كەنىشتى بارلاۋ، پايدالى قازبانى الۋ جوباسىنىڭ اياسىندا ەكولوگيالىق ساراپتاما مەن قورشاعان ورتاعا اسەرىن باعالاۋ، قوعامدىق تىڭداۋ شارالارى قالاي وتكەنى بەلگىسىز»، - دەيدى دەپۋتات.

سونداي-اق، ول الماتى قالاسىنىڭ ىرگەسىندەگى اقساي بوگەتىنىڭ جاعدايىنا دا توقتالدى.

«الماتى وبلىسىنىڭ مەملەكەتتىك ساۋلەت-قۇرىلىس باقىلاۋ ورگانى اقساي بوگەتىنىڭ 22 ميلليارد تەڭگە تۇراتىن قۇرىلىسىن توقتاتقان. وعان تاپسىرىس بەرۋشى „قازسەلدەنقورعاۋ“ مەكەمەسىنىڭ باستاپقى جوباعا وزگەرىس ەنگىزىپ، ءبىراق ونى مەملەكەتتىك ساراپتاماعا بەرمەۋى سەبەپ بولعان. كەسىرىنەن 30 مىڭ ادامنىڭ ءومىرىن ساقتاۋعا ءتيىس نىسان تاپسىرىس بەرۋشىنىڭ سالعىرتتىعى سالدارىنان ءتيىستى ساراپتاما مەن رۇقساتسىز سالىنىپ كەتتى. وسىلايشا بوگەتتىڭ ساپاسى كۇماندى كۇيدە قالىپ وتىر. قازىر قىلمىستىق ءىس ءجۇرىپ جاتىر. سوت قالالىق توتەنشە جاعدايلار دەپارتامەنتى مەن „قازسەلدەنقورعاۋ“ مەكەمەسىنىڭ لاۋازىمدى تۇلعالارىنىڭ ارەكەتىنە قۇقىقتىق باعا بەرەدى دەپ ۇمىتتەنەمىن»، - دەيدى باقىتجان بازاربەك.

ايتۋىنشا، الماتى وبلىسىنداعى ۆوروشيلوۆ سۋ قويماسىن سەنىمگەرلىك باسقارۋعا العان كاسىپكەردىڭ ءۇش جىلدان بەرى نىساننىڭ بويىنداعى اقاۋلاردى جويماي وتىر.

«وكىنىشكە قاراي، قۇقىق قورعاۋ ورگاندارى سۋ قويماسىنىڭ يەسى مەن «يلييرريگاتسيا» مەكەمەسىنىڭ ارەكەتىنە قۇقىقتىق باعا بەرگەن جوق»، - دەدى ول.

دەپۋتات «ءۇشقوڭىر- يرريگاتسيا» مەكەمەسىنىڭ لاۋازىمدى تۇلعالارى الماتى وبلىسىنىڭ ىلە جانە قاراساي اۋداندارىنداعى 5 ءىرى سۋ قويماسىن شاحۆوروستوۆ دەيتىن ازاماتتىڭ مەنشىگىنە شىعارىپ بەرگەنىن ەسكە سالدى.

«يلييرريگاتسيا»، «تالعار- يرريگاتسيا» مەكەمەلەرىندە وسىعان ۇقساس جاعدايعا بار. بۇل مەكەمەلەردى مافيا دەرسىڭ. جۇمىستارى اشىق ەمەس، ەشكىم تەكسەرىپ جاتقان جوق. سالدارىنان سۋ قويمالارى مەن توسپالار، بوگەسىندەر قولدان- قولعا ءوتىپ، جىل سايىن اقاۋلارى قۇجاتپەن قاتتالمايدى. بۇلاردىڭ سۇيەنىشى كىم؟ سۋ شارۋاشىلىعىندا مافيانىڭ بولۋى كىمگە ءتيىمدى؟» - دەپ سۇرادى باقىتجان بازاربەك.

دەپۋتات ساۋالىندا كورسەتىلگەن فاكتىلەر بويىنشا پروكۋرورلىق تەكسەرۋ جۇرگىزۋدى سۇرادى.