استانا. KAZINFORM - پاريجدەگى جازعى وليمپيادا ويىندارىنان كەيىن بوكستان قازاقستان ەرلەر قۇراماسىنىڭ 10 جاتتىقتىرۋشىسى جۇمىسىنان بوساتىلدى. ازىرگە ۇلتتىق قۇراماعا ءالى باس جاتتىقتىرۋشى تاعايىندالعان جوق.
2004-جىلعى افينى وليمپياداسىنىڭ چەمپيونى باقتيار ارتايەۆ بۇل بوس ورىنعا بۇرىنعى جەكە باپكەرى لايىق ەكەنىن جازدى
بوكستان قازاقستان ۇلتتىق قۇراماسىنىڭ باس باپكەرى بولۋعا نۇرلان اقۇرپەكوۆ لايىق، - دەپ جازدى وليمپيادا چەمپيونى ءوزىنىڭ Instagram-پاراقشاسىندا.
نۇرلان اقۇرپەكوۆ - باقتيار ارتايەۆتىڭ جەكە جاتتىقتىرۋشىسى بولعان. ودان بولەك، ولجاس ساتتىبايەۆ، عاني جايلاۋوۆ، ءابىلحان امانقۇل جانە ت. ب تانىمال بوكسشىلاردى تاربيەلەگەن. ءبىر كەزدەرى Astana Arlans كلۋبىنىڭ باس باپكەرى بولدى.
ايتا كەتەيىك، ۇلتتىق قۇرامادا بۇل قىزمەتتى بۇعان دەيىن مىرزاعالي ايتجانوۆ اتقارىپ كەلگەن ەدى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.