بانگلادەشتەگى نارازىلىق كەزىندە ءبىر كۇندە 90 ادام قازا تاپتى

استانا. kazinform - بانگلادەشتە جەكسەنبى كۇنى پوليتسيا مەن پرەمەر- مينيستر شەيح حاسينانىڭ وتستاۆكاعا كەتۋىن تالاپ ەتكەن شەرۋشىلەر اراسىندا قاقتىعىس بولىپ، كەم دەگەندە 90 ادام قازا تاپتى، دەپ جازادى BBC.

قازا تاپقاندار اراسىندا 13 پوليتسيا قىزمەتكەرى بار. ولار ەل استاناسى داككادان سولتۇستىككە قاراي 100 شاقىرىم جەردە ورنالاسقان سيرادجگاندج قالاسىنداعى پوليتسيا بولىمشەسىنە جاسالعان شابۋىلدا قازا تاپتى.

مەملەكەتتىك قىزمەتتەگى جۇمىس ورىندارىنا كۆوتا جۇيەسىن جويۋدى تالاپ ەتكەن ستۋدەنتتەردىڭ نارازىلىعى شىلدە ايىندا باستالعان. وسى ۋاقىت ىشىندە 280-نەن استام ادام قايتىس بولدى.

داككادا پوليتسيا نارازىلىق بىلدىرۋشىلەردى تاراتۋ ءۇشىن كوزدەن جاس اعىزاتىن گاز بەن رەزەڭكە وقتاردى قولداندى، ال پرەمەر- مينيستر ەلدەگى موبيلدى ينتەرنەتتى ءوشىرۋدى بۇيىردى.

ب ۇ ۇ- نىڭ ادام قۇقىقتارى جونىندەگى جوعارعى كوميسسارى فولكەر تيۋرك بانگلادەش بيلىگىن زورلىق-زومبىلىقتى توقتاتۋعا شاقىردى.

ول سونداي-اق دۇيسەنبىدە داككادا جوسپارلانعان جاپپاي شەرۋگە الاڭداۋشىلىق ءبىلدىرىپ، ودان ءارى شيەلەنىسۋ قاۋپى تۋرالى ەسكەرتتى.

اۆتور

ەركەجان سماعۇلوۆا