بالىق جەگەن بالا اقىلدى، ءارى ءتارتىپتى بولىپ وسەدى

استانا. قازاقپارات - انگلياداعى وكسفورد ۋنيۆەرسيتەتىنىڭ ساراپشىلارى بالانىڭ قانىنداعى ومەگا-3 ماي قىشقىلى مولشەرىنىڭ كوپ بولۋى ونىڭ ساباق ۇلگەرىمى مەن تارتىبىنە وڭ اسەرىن تيگىزەدى.

بالىقتى كوپ جەگەن بالالار وزگەلەرگە قاراعاندا جاقسى وقيدى دەپ سانايدى. بۇل تۋرالى segodnya.ua سايتى حابارلادى.

عالىمدار جەتى مەن توعىزىنشى سىنىپ ارالىعىنداعى 500 بالاعا زەرتتەۋ جۇرگىزگەن. زەرتتەۋ تاجىريبەسىنە گرامماتيكاسى مەن ءتارتىبى ناشار بالالار قاتىستىرىلدى.

زەرتتەۋ الدىندا بارلىق بالالاردان قان الىندى. ورتاشا ەسەپپەن قان قۇرامىنداعى ومەگا-3 ماي قىشقىلى ولاردا 2،46 پايىزدى قۇراعان. ال قالىپتى جاعدايدا ول 4 پايىز بولۋى ءتيىس. اتالعان قىشقىلدىڭ از بولۋى بالالاردىڭ وقۋعا، جازۋعا دەگەن قابىلەتىن ازايتىپ، ەستە ساقتاۋ قابىلەتىنە كەرى اسەرىن تيگىزەتىنى انىقتالدى. سەبەبى قان قۇرامىنداعى ماي قىشقىلىن كوبەيتكەننەن كەيىن بۇل بالالار جاڭا ماتەريالدى الدەقايدا جاقسى قابىلداپ، جانجال شىعارۋلارىن ازايتقان.