بالقاش ماڭىندا جانتۇرشىگەرلىك جول اپاتىنان جەتى ادام قازا تاپتى
استانا. KAZINFORM - قاراعاندى وبلىسىندا بولعان جول اپاتىنان جەتى ادام كوز جۇمدى. ولار وقيعا ورنىندا كولىكتە تىرىدەي جانىپ كەتكەن، دەپ حابارلايدى وبلىستىق پوليتسيا دەپارتامەنتى.
ۆەدومستۆونىڭ مالىمەتىنشە، 5-شىلدە كۇنى Kia Sedona اۆتوكولىگىنىڭ جۇرگىزۋشىسى بالقاش قالاسىنا قاراي بەت الىپ بارا جاتىپ، اقشاتاۋ اۋىلىنا جەتپەي، الدىڭعى كولىكتەردى باسىپ وزۋ كەزىندە جول بەلگىلەرىن ەلەمەي، جول جوندەۋ جۇمىستارى جۇرگىزىلىپ جاتقان ۋچاسكەگە، كەيىن كريۆولينەيلى توسقاۋىلعا سوعىلعان. قاتتى سوققىدان كەيىن كولىك ورتەنىپ كەتكەن.
«الدىن الا دەرەكتەر بويىنشا، جەتى جولاۋشى وقيعا ورنىندا قازا تاپتى. جۇرگىزۋشى مەن تاعى ءبىر جولاۋشى مەديتسينالىق مەكەمەگە جەتكىزىلدى»، - دەدى قاراعاندى وبلىستىق پوليتسيا دەپارتامەنتى انىقتاۋ باسقارماسىنىڭ باستىعى ازامات احمەتوۆ.
اتالعان فاكتى بويىنشا قىلمىستىق ءىس قوزعالىپ، وقيعانىڭ بارلىق ءمان-جايىن انىقتاۋ ءۇشىن تەرگەۋ امالدارى جۇرگىزىلىپ جاتىر.
بۇعان دەيىن استانادا جول اپاتىنان 24 جاستاعى ازامات مەرت بولدى.