بالقاشقا قۇياتىن سۋدىڭ نەگىزگى بولىگى ىلە وزەنى ارقىلى كەلەدى. وزەن اعىسىن قاپشاعاي سۋ قويماسى رەتتەيدى. 2024 جانە 2025 -جىلدارى سۋ قويماسى تولىق كولەمدە تولتىرىلسا، بيىلعى كورسەتكىش 98 پايىزعا جەتكەن.
مينيسترلىكتىڭ مالىمەتىنشە، قازىر كول دەڭگەيى بالتىق بيىكتىك جۇيەسى بويىنشا 341 مەتر شاماسىندا ساقتالىپ وتىر. سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ ىلە وزەنىندەگى سۋ اعىنىنىڭ كولەمى كوپجىلدىق ورتاشا دەڭگەيدەن تومەندەمەگەنىن اتاپ ءوتتى. بۇدان بولەك، بالقاش كولىن 2040 -جىلعا دەيىن ساقتاۋ جونىندەگى باس جوسپار فرانسۋز ساراپشىلارىمەن بىرلەسىپ ازىرلەنىپ جاتىر. ماماندار دالالىق زەرتتەۋلەر جۇرگىزىپ، جينالعان مالىمەتتەردى زەردەلەۋدە.