استانا. قازاقپارات - قىزىلوردا وبلىسى بويىنشا سىبايلاس جەمقورلىققا قارسى قىزمەت وبلىستىق كاسىپكەرلىك جانە ونەركاسىپ باسقارماسىنىڭ باسشىسىنا قاتىستى سوتقا دەيىنگى تەرگەۋدى اياقتادى، دەپ حابارلايدى Ulysmedia.kz.
ول ۇلىنىڭ وقۋىنا اقى تولەۋ قاجەتتىلىگى جانە ديزەلدى وتىنمەن قامتاماسىز ەتۋ تۋرالى بيزنەس وكىلدەرىنە زاڭسىز نۇسقاۋلار بەرۋ ارقىلى لاۋازىمدىق وكىلەتتىكتەرىن اسىرا پايدالانعانى ءۇشىن كۇدىككە ءىلىندى. سونىمەن قاتار شەنەۋنىك ءوڭىر كاسىپورىندارىنىڭ سۇيىتىلعان گازدىڭ ءتيىستى كولەمىن الۋ قۇقىعىن شەكتەۋ ارقىلى زاڭدى كاسىپكەرلىك قىزمەتكە كەدەرگى كەلتىردى دەگەن كۇدىك بار، - دەلىنگەن اگەنتتىكتىڭ حابارلاماسىندا.
سوتتىڭ سانكتسياسىمەن كۇدىكتى قاماۋعا الىندى. قازىرگى ۋاقىتتا ءىس پروكۋرورعا جىبەرىلدى.
تەرگەۋ مۇددەسىنە ساي، وزگە اقپارات جاريا ەتىلمەيدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан