«Balapan» تەلەارناسىندا 10 سەريالى ءال-فارابي تۋرالى انيماتسيالىق تەلەحيكايا كورسەتىلەدى
«Balapan» تەلەارناسى قازاقستان تاۋەلسىزدىگىنىڭ 30 جىلدىعىنا وراي بالالارعا ارنالعان «ءال-فارابي» تەلەحيكاياسىن جارىققا شىعاردى.
2D تەحنيكاسىندا جاسالعان تەلەحيكايانىڭ جوباسىنا ءارقايسىسى 8 مينۋتتان تۇراتىن 10 سەريا كىردى. وندا بالالار اتاقتى جەرلەسى، عىلىمنىڭ دامۋىنا ەلەۋلى ۇلەس قوسقان، الەمگە تانىمال عالىم جانە فيلوسوف ءابۋ ناسىر ءال-فارابيدىڭ ءومىرى مەن ونىڭ عىلىمي جەتىستىكتەرىمەن تانىسۋعا مۇمكىندىك الادى. جوبادا عۇلامانىڭ بالالىق شاعى، عىلىمعا كەلۋ جولى كەڭىنەن سۋرەتتەلەدى.
«بالالاردىڭ ەل تاريحىن بىلۋگە، سونداي-اق ءال-فارابيدىڭ عالىم مەن اعارتۋشى رەتىندەگى وبرازى ارقىلى بۇلدىرشىندەردىڭ عىلىمعا دەگەن ۇمتىلىسىن وياتاتىنداي ءبىلىم بەرەتىن تەلەحيكايانى جاساۋدى ماقسات كوردىك»، - دەيدى «Balapan» تەلەارناسىنىڭ ديرەكتورى ماقپال جۇماباي.
جوبانىڭ باستى ماقساتى - مەكتەپكە دەيىنگى جانە مەكتەپ جاسىنداعى بالالار اراسىندا عىلىمي ءبىلىمنىڭ ماڭىزدىلىعىن ناسيحاتتاۋ.
انيماتسيالىق تەلەحيكايا نۇر-سۇلتان ۋاقىتىمەن 20:30، 23:00 دە دۇيسەنبىدەن جۇماعا دەيىن «Balapan» تەلەارناسىندا كورسەتىلەدى.