بالانى مەكتەپكە دەيىنگى ۇيىمعا قابىلداۋ ءۇشىن قانداي قۇجاتتار قاجەت؟
استانا. KAZINFORM - ەلىمىزدە 11,5 مىڭ مەكتەپكە دەيىنگى ۇيىم جۇمىس ىستەيدى. ولاردىڭ بالالاردى قامتۋ دەڭگەيى %91,5. وقۋ-اعارتۋ مينيسترلىگى 2 جاستان 6 جاسقا دەيىنگى بالالاردى مەكتەپكە دەيىنگى تاربيەمەن جانە وقىتۋمەن قامتۋدى ۇلعايتۋ ءۇشىن وسى جىلدىڭ سوڭىنا دەيىن 77 مىڭنان استام جاڭا ورىن اشۋ جوسپارلانىپ وتىرعانىن مالىمدەدى.
مەكتەپكە دەيىنگى ۇيىمدارعا قابىلداۋ جىل بويى جۇزەگە اسىرىلادى. استانا، الماتى قالالارىندا جانە اقتوبە، قوستاناي وبلىستارىندا بالالاردىڭ مەكتەپكە بارۋىنا بايلانىستى مەكتەپكە دەيىنگى ۇيىمداردا توپتاردى جاساقتاۋ اياقتالدى. وزگە وڭىرلەردە بۇل جۇمىس تامىز ايىنىڭ سوڭىنا دەيىن جالعاسادى.
كەزەككە قويۋ، قۇجات قابىلداۋ جانە جولداما بەرۋ جونىندەگى مەملەكەتتىك قىزمەتتەردى جەرگىلىكتى اتقارۋشى ورگاندار ەلەكتروندىق ۇكىمەتتىڭ ۆەب-پورتالى نەمەسە اقپاراتتاندىرۋ وبەكتىلەرى ارقىلى كورسەتەدى.
مەكتەپكە دەيىنگى ۇيىمدارعا قابىلداۋ ءۇشىن تالاپ ەتىلەتىن قۇجاتتارمەن مىنا سىلتەمە ارقىلى تانىسا الاسىزدار.