- بالالاردىڭ جازعى دەمالىسىن ساپالى ءارى قاۋىپسىز ۇيىمداستىرۋ ماقساتىندا بيىلدان باستاپ بالالارعا ارنالعان ءبىلىم بەرۋ- ساۋىقتىرۋ ۇيىمدارىن مىندەتتى ليتسەنزيالاۋ جۇيەسى ەنگىزىلدى. ناتيجەسىندە 170 ۇيىمنىڭ 134- ءى ليتسەنزيا الدى. 2026 -جىلى 3,3 ميلليون بالا جازعى دەمالىسپەن جانە ساۋىقتىرۋ شارالارىمەن قامتىلدى، - دەدى ج. سۇلەيمەنوۆا.
سونىمەن قاتار ول بالالاردىڭ قۇقىقتارى مەن قاۋىپسىزدىگىن قورعاۋ ءۇشىن سوڭعى جىلدارى 11 دەن استام زاڭ قابىلدانعانىن ەسكە سالدى. زورلىق-زومبىلىققا مۇلدەم توزبەۋشىلىك قاعيداتى بەكىتىلىپ، كامەلەتكە تولماعاندارعا قارسى قىلمىستار ءۇشىن جاۋاپكەرشىلىك كۇشەيتىلدى، بۋللينگ پەن بالالار قۇقىقتارىن بۇزعانى ءۇشىن اكىمشىلىك جاۋاپتىلىق ەنگىزىلدى. وڭىرلىك قورعاۋ ورگاندارىنىڭ وكىلەتتىگى بەكىتىلىپ، مەملەكەتتىك باقىلاۋدىڭ جاڭا تەتىكتەرى بەلگىلەندى.
- 20 وڭىرىندە پسيحولوگيالىق قولداۋ ورتالىقتارى جانە 160 وتباسىلاردى قولداۋ ورتالىعى جۇمىس ىستەپ جاتىر. بالانى كاسىبي قابىلداۋشى وتباسى ينستيتۋتى ەنگىزىلدى. ناتيجەسىندە جەتىم جانە اتا-اناسىنىڭ قامقورلىعىنسىز قالعان بالالاردىڭ %82- ى وتباسىلىق ورتادا تاربيەلەنىپ كەلەدى. قورعانشىلىق سالاسىنداعى ماماندار سانى 303-تەن 1029-عا دەيىن ءوستى. ەرەكشە قاجەتتىلىكتەرى بار بالالاردى جەكە سۇيەمەلدەۋ ءۇشىن «پەداگوگ-اسسيستەنت» لاۋازىمى ەنگىزىلىپ، بۇگىندە 7500 پەداگوگ-اسسيستەنت جۇمىس ىستەپ جاتىن، - دەدى مينيستر.
سونىمەن بىرگە «دوسبولlike» بۋللينگكە قارسى باعدارلاماسى بۋللينگ دەڭگەيىن %2,5- عا تومەندەتۋگە مۇمكىندىك بەردى.
- مەكتەپتەردەگى پسيحولوگيالىق قىزمەتتى جاڭعىرتۋ باستالدى. بالانىڭ مازاسىزدىق، كۇيزەلىس، زورلىق- زومبىلىق، بۋللينگ، دەپرەسسيا جانە سۋيتسيدتىك نيەت بەلگىلەرىن ەرتە انىقتاۋعا ارنالعان ءۇش دەڭگەيلى ءبىرىڭعاي دياگنوستيكا قالىپتاستىرىلدى. ول پەداگوگ- پسيحولوگتەر قولداناتىن 7 باستاپقى، 6 تەرەڭدەتىلگەن جانە 7 پرواكتيۆتىك ادىستەمەنى بىرىكتىرەدى. بەكىتىلگەن ادىستەمەلەر ءبىرىڭعاي سيفرلىق پلاتفورماعا بىرىكتىرىلدى. تاعى ءبىر توقتالىپ وتەتىن ماسەلە، قازىرگى كەزدە مەكتەپتەردىڭ تەك %41- ىندا پەداگوگ- پسيحولوگتەرگە ارنالعان جابدىقتالعان جەكە كابينەتتەر بار، - دەدى ۆەدومستۆو باسشىسى.
مەملەكەت باسشىسىنىڭ تاپسىرماسىمەن ەلىمىزدىڭ 20 وڭىردە بالالاردىڭ قۇقىقتارىن قورعاۋ باسقارمالارى قۇرىلىپ، وندا شامامەن 200 مامان جۇمىس ىستەپ جاتىر. سونداي-اق ءاربىر 5 مىڭ بالاعا كەمىندە ءبىر مامان ءنورماتيۆى ەنگىزىلىپ، وڭىرلەردىڭ ينستيتۋتسيونالدىق مۇمكىندىگى كۇشەيتىلدى.
جاڭا باسقارمالار وڭىرلەردە نەگىزگى ۇيلەستىرۋشى ورگان بولۋى ءۇشىن بيىلعى شىلدە ايىندا بالا قۇقىقتارى جونىندەگى ۋاكىلمەن جانە يۋنيسەف- پەن بىرلەسىپ، بارلىق مامان بىلىكتىلىگىن ارتتىردى. سالا ماماندارىن جۇيەلى دايارلاۋ ءۇشىن بيىل 292 ءبىلىم بەرۋ گرانتى ءبولىندى.