- بالانىڭ ءبىلىم الۋ قۇقىعى كەز كەلگەن جاعدايدا قامتاماسىز ەتىلۋگە ءتيىس. ەلىمىزدەگى 34 كەشكى مەكتەپتە 2904 ادام وقيدى، ونىڭ 855- ءى - كامەلەتكە تولماعاندار. بالالاردىڭ كەشكى مەكتەپتەردە وقۋىنا جول بەرمەۋ ءۇشىن ءتيىستى بۇيرىق جوباسى مەملەكەتتىك ورگاندارمەن كەلىسىلىپ قابىلداناتىن بولادى، - دەدى ج. سۇلەيمەنوۆا.
ونىڭ ايتۋىنشا، ەرەكشە ءبىلىم الۋدى قاجەت ەتەتىن 237 مىڭ بالانىڭ 71 مىڭى مەكتەپكە دەيىنگى جاستا، 166 مىڭى مەكتەپ جاسىندا جانە بۇل بالالاردىڭ بارلىعى ينكليۋزيۆتى بىلىممەن قامتاماسىز ەتىلگەن. ينكليۋزيۆتى ءبىلىم بەرۋگە ارنالعان كابينەتتەرگە قويىلاتىن تالاپتاردى رەتتەيتىن بۇيرىق قابىلداندى.
- قۇرىلتاي دەپۋتاتتارىنىڭ باستاماسىمەن ازىرلەنگەن «دامۋىندا ەرەكشە قاجەتتىلىكتەرى بار بالالاردى كەشەندى قولداۋ تۋرالى» زاڭ جوباسى بويىنشا جۇمىس جۇرگىزىلۋدە. تاعى ءبىر توقتالىپ وتەتىن ماسەلە ۋاقىتشا تەرگەۋ يزولياتورىنداعى بالالاردىڭ ءبىلىم الۋ قۇقىعىن قامتاماسىز ەتۋ ماقساتىندا كەشەندى شارالار قابىلداناتىن بولادى. بۇگىندە 119 بالا تەرگەۋ يزولياتورىندا، - دەدى مينيستر.
بۇعان دەيىن حابارلانعانداي، قۇرىلتاي ءتوراعاسىنىڭ ورىنباسارى دينارا زاكيەۆا كەشكى مەكتەپتەرگە قاتىستى پروبلەمانى كوتەردى.