الەۋمەتتىك جەلىدە سوڭعى ۋاقىتتا كولىكتەرىنىڭ زاقىمدانعانىن ايتىپ شاعىمدانۋشىلار كوبەيدى. پەتروپاۆل تۇرعىندارىنىڭ ايتۋىنشا، بىرەۋلەر اۋلادا تۇرعان كولىكتەردىڭ كاپوتىن تەسىپ، بۇراندالى شەگە بۇراپ كەتەتىن بولعان. بۇگىندە زاقىمدانعان كولىكتەر ونداپ سانالادى.
كوپشىلىكتىڭ پىكىرىنشە، كولىكتەرگە بۇراندالى شەگە بۇراپ جۇرگەندەر بالالار. بۇل - ولاردىڭ جاڭا «ويىنى» بولۋى مۇمكىن. وسىدان بىرەر جىل بۇرىن وڭىردە جاس وسپىرىمدەر كولىك دوڭعالاقتارىنىڭ نيپپەلىن ۇرلاۋدى ادەتكە اينالدىرعان بولاتىن.
سولتۇستىك قازاقستان وبلىستىق پوليتسياسى دەپارتامەنتى باسپا ءسوز قىزمەتىنىڭ مالىمەتىنشە، الەۋمەتتىك جەلىدە بەينەجازبالار جۇرگەنىمەن، ازىرگە كولىگىنىڭ زاقىمدانۋىنا بايلانىستى تۇرعىنداردان نە شاقىرتۋ، نە ارىز-شاعىم تۇسپەگەن. شارا قولدانۋ ءۇشىن شاقىرتۋ ءتۇسۋى قاجەت، ماسەلەنىڭ باسىن اشقاننان كەيىن «ۇساق بۇزاقىلىق» بابى بويىنشا جازا قولدانىلۋى مۇمكىن.