ونىڭ اتاپ وتۋىنشە، مينيسترلىك زاڭناما تالاپتارىن بۇزاتىن كونتەنتتى انىقتاۋ جانە جويۋ ماسەلەلەرى بويىنشا ونلاين- پلاتفورمالارمەن تۇراقتى نەگىزدە ءوزارا ءىس- قيمىل جاسايدى. وسى جۇمىس اياسىندا كامەلەتكە تولماعاندارعا قولجەتىمدى كونتەنتكە، ونىڭ ىشىندە بەيادەپ سوزدەر، قورلاۋ، ادامنىڭ ار-نامىسى مەن قادىر- قاسيەتىن كەمسىتۋ، ارانداتۋشىلىق جانە وزگە دە دەسترۋكتيۆتى مىنەز-قۇلىق قامتىلعان تىكەلەي ەفيرلەرگە ەرەكشە نازار اۋدارىلادى.
— 2026 -جىلعى 1-قاڭتاردان 22 -قىركۇيەككە دەيىنگى كەزەڭدە مينيسترلىك تاراپىنان ينتەرنەت كەڭىستىگىندەگى دەسترۋكتيۆتى ماتەريالداردىڭ، ونىڭ ىشىندە تىكەلەي ەفير بارىسىندا بالاعات سوزدەر مەن بالالاردىڭ دەنساۋلىعى مەن دامۋىنا زيان كەلتىرەتىن اقپاراتتى ورنالاستىرۋدىڭ 592 بۇزۋشىلىق فاكتىسى انىقتالدى، — دەدى قانات ىسقاقوۆ.
ءبىرىنشى ۆيتسە-مينيستر جاۋابىنا قوسا بەرىلگەن انىقتاماعا سايكەس، انىقتالعان فاكتىلەردىڭ 71- ءى تىكەلەي ەفيرلەردەگى بەيادەپ سوزدەر مەن ترەش-كونتەنتكە قاتىستى بولسا، 521 جاعدايدا بالانىڭ دەنساۋلىعىنا، ادامگەرشىلىك جانە رۋحاني دامۋىنا زيان كەلتىرەتىن اقپارات ورنالاستىرىلعان. ولاردى جويۋ ءۇشىن ينتەرنەت- رەسۋرستار مەن ونلاين-پلاتفورمالار دىڭاكىمشىلىكتەرىنە 159 حابارلاما جانە ۇيعارىم حاتتارى جولدانعان.
— مينيسترلىك TikTok, Instagram, YouTube جانە باسقا دا ونلاين پلاتفورمالارمەن قۇقىققا قايشى كونتەنتتى جەدەل انىقتاۋ، ونىڭ تارالۋىن شەكتەۋ جانە جويۋ تەتىكتەرىن جەتىلدىرۋ، سونداي-اق ءتيىستى فاكتىلەر بويىنشا ازاماتتاردىڭ وتىنىشتەرىن قاراۋ باعىتىنداعى جۇمىستى جالعاستىرادى. وسىعان بايلانىستى تىكەلەي ەفيرلەردىڭ ەرەكشەلىكتەرىن ەسكەرە وتىرىپ، ناقتى ۋاقىت رەجيمىندە تارالاتىن كونتەنتكە جەدەل دەن قويۋ ماسەلەلەرى بويىنشا ونلاين-پلاتفورمالارمەن ءوزارا ءىس- قيمىلدى جالعاستىرۋ ورىندى، — دەدى ول.
بۇعان دەيىن ىشكى ىستەر ءمينيسترى ەرجان سادەنوۆ «ترەش- ستريمينگ» ۇعىمىن زاڭناماعا ەنگىزۋگە قاتىستى پىكىر بىلدىرگەن ەدى.