زاڭ جوباسى قوعامدىق تالقىلاۋعا ۇسىنىلعان.
قۇجاتقا سايكەس، بالالارعا ەنەرگەتيكالىق سۋسىندار ساتۋعا تىيىم سالۋ بارلىق تاراتۋ ارنالارىن قامتيدى. اتاپ ايتقاندا، دۇكەندەردەگى، سۋپەرماركەتتەگى، كافەدەگى، بارداعى، فۋدكورتتارداعى بولشەك ساۋدا، ونلاين ساتۋ، تاماق جەتكىزۋ قىزمەتتەرى جانە كۋرەرلىك قىزمەت ارقىلى ساتۋعا تىيىم سالىنعان. ال ساۋدا اۆتوماتتارى ارقىلى ساتۋعا تولىعىمەن تىيىم سالىنادى، سەبەبى ولار ساتىپ الۋشىنىڭ جاسىن راستاي المايدى.
ساتۋشىلار مەن كۋرەرلەر ساتىپ الۋشىنىڭ جاسىنا كۇماندانعان جاعدايدا جەكە باسىن كۋالاندىراتىن قۇجاتتاردى سۇراۋى كەرەك.
ۇسىنىلىپ وتىرعان ايىپپۇلدار مولشەرى:
كامەلەتكە تولماعاندارعا ساتقانى ءۇشىن جەكە تۇلعالارعا 10000 سوم (51500 تەڭگە) جانە زاڭدى تۇلعالارعا 35000 سوم (180000 تەڭگە)؛
ءبىر جىل ىشىندە قايتالانسا، 20000 سوم (103000 تەڭگە) جانە 55000 سوم (283000 تەڭگەدەن استام)؛
ەنەرگەتيكالىق سۋسىنداردى ساۋدا اۆتوماتتارى ارقىلى ساتقانى ءۇشىن جەكە تۇلعالارعا 10000 سوم (51500 تەڭگە) جانە زاڭدى تۇلعالارعا 35000 سوم (180000 تەڭگە).
سونداي-اق، 18 جاسقا تولماعان بالالارعا ەنەرگەتيكالىق سۋسىن ساتۋعا تىيىم سالىنعانى تۋرالى ەسكەرتپەلەر ىلىنبەگەن دۇكەندەرگە ەسكەرتۋ جاسالادى نەمەسە جەكە تۇلعالارعا 1000 سوم (5000 تەڭگەدەن استام) جانە زاڭدى تۇلعالارعا 5000 سوم (25000 تەڭگەدەن استام) ايىپپۇل سالىنادى.
بۇعان دەيىن قىرعىزستان پرەزيدەنتى سادىر جاپاروۆ ۇكىمەتكە ءبىر اي ىشىندە ەنەرگەتيكالىق سۋسىنداردى ءوندىرۋ مەن يمپورتتاۋعا تىيىم سالۋدى قاراستىرۋدى تاپسىرعان ەدى.