بالالار ادەبيەتىن دامىتۋ ۇلتتىق ستراتەگياسى قابىلدانا ما - بەكتەنوۆ جاۋابى

استانا. KAZINFORM - پرەمەر- مينيستر ولجاس بەكتەنوۆ سەنات دەپۋتاتتارىنىڭ بالالار ادەبيەتىن دامىتۋعا ارنالعان ۇلتتىق ستراتەگيا قابىلداۋ ۇسىنىسىنا جاۋاپ بەردى.

- مەملەكەت تاراپىنان بالالار ادەبيەتىن دامىتۋ بويىنشا جۇيەلى تۇردە قولداۋ شارالارى جۇزەگە اسىرىلىپ كەلەدى. اتاپ ايتقاندا بالالارعا ارنالعان كوركەم جانە تانىمدىق ادەبيەتتەردىڭ قولجەتىمدىلىگىن ارتتىرۋ، وقۋ ساۋاتتىلىعىن دامىتۋ، سونداي-اق كىتاپحانالىق قورلاردى جاڭعىرتۋ بويىنشا جۇمىستار اتقارىلىپ جاتىر. مەملەكەت باسشىسىنىڭ تاپسىرماسىنا سايكەس «بالالار كىتاپحاناسى» باعدارلاماسى جۇزەگە اسىرىلۋدا. باعدارلاما وسكەلەڭ ۇرپاقتىڭ وقۋعا جانە ءبىلىم الۋعا دەگەن قىزىعۋشىلىعىن دامىتۋعا باعىتتالعان. ونىڭ اياسىندا ءتۇرلى تاربيەلىك جانە اعارتۋشىلىق ءىس- شارالار (ادەبي كەشتەر، كىتاپ جارمەڭكەلەرى، كىتاپ كەيىپكەرلەرىنىڭ بايقاۋلارى، «كىتاپتار اينالىمى» اكسياسى جانە «شىن جۇرەكتەن كىتاپ سىيلا!» چەللەندجى) جۇزەگە اسىرىلادى، - دەدى ۇكىمەت باسشىسى جاۋابىندا.

ونىڭ اتاپ وتۋىنشە، بارلىق ءبىلىم بەرۋ ۇيىمىنا «ادال ازامات» ءبىرىڭعاي تاربيە باعدارلاماسى ەنگىزىلدى. بۇدان باسقا 2024-2025 وقۋ جىلىندا («قامقور»، «ەڭبەگى ادال جاس ورەن»، «Smart بالا»، «شابىت»، «ۇشقىر وي الاڭى»، «بالالار كىتاپحاناسى» سىندى 6 نەگىزگى جوبا ىسكە اسىرىلدى.

- بۇل رەتتە بالالار ادەبيەتىن دامىتۋعا ارنالعان ءبىرتۇتاس ۇلتتىق ستراتەگياسىن قابىلداۋ قوسىمشا ينستيتۋتسيونالدىق جانە قارجىلىق رەسۋرستاردى قاجەت ەتەدى. وسى باعىتتاعى ءىس-شارالار جۇرگىزىلىپ جاتقان جۇمىستار اياسىندا جالعاستىرىلادى، - دەدى ول.

بۇعان دەيىن ەلىمىزدە بالالار ادەبيەتى قالاي دامىپ كەلە جاتقانىن جازعان ەدىك.

ولجاس بەكتەنوۆ