تاعايىندالعان تولەمدەر سانى بويىنشا تۇركىستان وبلىسى كوش باستاپ تۇر - مۇندا 28 مىڭنان استام جاردەماقى راسىمدەلگەن. الماتى قالاسىندا 19 مىڭنان استام، ال استانا قالاسى بويىنشا 17 مىڭنان استام جاردەماقى بەرىلگەن.
- جاردەماقىنى پرواكتيۆتى فورماتتا دا الۋعا بولادى. بالا تۋۋى تىركەلگەننەن كەيىن اتا-اناعا SMS- حابارلاما كەلەدى. كەلىسىمدى راستاپ، بانك شوتىن كورسەتكەننەن كەيىن تولەم اۆتوماتتى تۇردە تاعايىندالادى. 2026-جىلى جاردەماقى مولشەرى ءبىرىنشى، ەكىنشى جانە ءۇشىنشى بالاعا 164350 تەڭگە، ءتورتىنشى جانە ودان كەيىنگى بالالارعا - 272475 تەڭگە، - دەلىنگەن حابارلامادا.
ءوتىنىشتى كەز كەلگەن ح ق و- دا بەرۋگە بولادى. ول جاعدايدا قىزمەت 7 جۇمىس كۇنى ىشىندە كورسەتىلەدى. ال ەلەكتروندى ۇكىمەت پورتالى نەمەسە ەكىنشى دەڭگەيدەگى بانكتەردىڭ موبيلدى قوسىمشالارى ارقىلى ءوتىنىش بەرگەن جاعدايدا، قىزمەت 4 جۇمىس كۇنى ىشىندە كورسەتىلەدى.
قۇجاتتاردى بالا تۋعان كۇننەن باستاپ 18 اي ىشىندە تاپسىرۋ ماڭىزدى. وسى مەرزىم وتكەننەن كەيىن جاردەماقى الۋ قۇقىعى جويىلادى.
ايتا كەتەلىك مينيسترلىك نەلىكتەن كەيبىر جاردەماقى 3 جىلدا 1 رەت قانا كوتەرىلەتىنى تۋرالى تۇسىنىكتەمە بەرگەن ەدى.