بالا ساتۋ وقيعالارىنا پەرزەنتحانالار مەن بالالار ءۇيىنىڭ دە قاتىسى بار – ءى ءى م

  استانا. KAZINFORM - بيىل ەلىمىزدە بالا ساتۋعا قاتىستى 6 فاكتى تىركەلدى. بۇل تۋرالى ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ ايتتى.

«وكىنىشكە قاراي، مۇنداي ستاتيستيكا بار. وتكەن جىلى بالا ساتۋ بويىنشا 19 قىلمىستىق ءىس تىركەلسە، بيىلدىڭ وزىندە 6 فاكتى بولدى. نەگىزىنەن بالالار ەلىمىزدىڭ ىشىندە ساتىلادى. قانداي دا ءبىر فيزيولوگيالىق ەرەكشەلىكتەرىنە بايلانىستى بالالى بولا المايتىن ادامدار بار. بۇل سۇرانىستى قاناعاتتاندىراتىن ادامدار دا تابىلادى»، - دەدى ول سەناتتىڭ جالپى وتىرىسى اياسىندا ب ا ق وكىلدەرىنىڭ ساۋالىنا وراي.

ونىڭ اتاپ وتۋىنشە، بالا ساتۋ فاكتىلەرىنە پەرزەنتحانالاردىڭ، بالالار ۇيلەرى قىزمەتكەرلەرىنىڭ جانە قالاۋىنسىز جۇكتى بولعان ادامداردىڭ قاتىسى بار. سونىمەن قاتار ول بالا ساتقاندارعا قاتاڭ جازا قولدانىلاتىنىن ايتتى.

«جازا وتە قاتاڭ. بالالاردى ساتقانى ءۇشىن 18 جىلعا دەيىن باس بوستاندىعىنان ايرىلىلادى»، - دەدى مارات قوجايەۆ.