بۇل ەلوردادا وتكەن باسپا ءسوز ءماسليحاتىندا بازالىق مولشەرلەمەنىڭ تومەندەگەنىنە قاراماستان، بانكتەردىڭ نەسيە بويىنشا جوعارى پايىزدىق مولشەرلەمەلەردى نەلىكتەن ساقتاپ وتىرعانى جانە ۇلتتىق بانكتىڭ بۇل جاعدايعا ىقپال ەتۋى مۇمكىندىگى جونىندە سۇرالدى.
تيمۋر سۇلەيمەنوۆ اقشا-نەسيە ساياساتى مەن بازالىق مولشەرلەمەنىڭ ەكونوميكاعا بەلگىلى ءبىر ۋاقىتشا كىدىرىسپەن اسەر ەتەتىنىن اتاپ ءوتتى. ۇلتتىق بانكتىڭ مولشەرلەمەنى تومەندەتۋى كوممەرتسيالىق بانكتەردىڭ نەسيە شارتتارىن بىردەن قايتا قاراي باستايتىنىن بىلدىرمەيدى.
- بەلگىلى ءبىر ۋاقىت وتكەننەن كەيىن، ولار كەلىسىمدەردى قايتا قاراي باستايدى. ەكىنشى تاراپ: «ءبىز باستاپقىدا بۇل قارجىلاندىرۋدى بەن العان ەدىك، ءبىراق قازىر مولشەرلەمەلەر تومەندەدى. سوندىقتان ونى نەمەسە عا دەيىن وزگەرتسەك قايتەدى؟» - دەپ ءوتىنىم ءبىلدىرۋى مۇمكىن. الايدا، كەلىسىم ءوز كۇشىندە بولعان كەزدە، وندا كورسەتىلگەن مولشەرلەمەلەر قولدانىلا بەرەدى. ناتيجەسىندە، بەلگىلى ءبىر ۋاقىت ارالىعىندا اتالعان كىدىرىس مەرزىمى بار، ياعني 9 ايدان 12 ايعا دەيىن، ال كەيبىر ونىمدەر بويىنشا ودان دا ۇزاعىراق بولۋى مۇمكىن. ءبىز بۇل اسەردى بىرتىندەپ بايقاي باستادىق. ەكونوميكاداعى نەسيەلەر بويىنشا پايىزدىق مولشەرلەمەلەرگە قاراساڭىز، ولار جىل باسىنان بەرى شامامەن ءبىر پايىزدىق تارماققا تومەندەدى. دەمەك، تومەندەۋ ءۇردىسى ءجۇرىپ جاتىر جانە وسى جاعداي جالعاسادى دەپ سانايمىز، - دەدى ۇ ب باسشىسى.
بۇعان دەيىن حابارلانعانداي، ق ر ۇلتتىق بانكىنىڭ اقشا-كرەديت ساياساتى كوميتەتى بازالىق مولشەرلەمەنى جىلدىق ,75 دەڭگەيىندە بەلگىلەۋ تۋرالى شەشىم قابىلدادى.