بريفينگ بارىسىندا جۋرناليستەر ەڭبەك جانە حالىقتى الەۋمەتتىك قورعاۋ مينيسترلىگىنىڭ ا ا ك تاعايىنداۋ كەزىندە ازاماتتاردىڭ دەپوزيتتەرىندەگى قاراجاتتى دا ەسكەرۋ جونىندەگى باستاماسى دەپوزيت نارىعىنا ىقپال ەتۋى مۇمكىن بە دەپ سۇرادى. اتاپ ايتقاندا، قازاقستاندىقتار الەۋمەتتىك كومەكتەن قاعىلماۋ ءۇشىن جيناقتارىن بانكتەردەن شەشىپ الۋى مۇمكىن دەگەن ءقاۋىپ ايتىلدى.
تيمۋر سۇلەيمەنوۆتىڭ پىكىرىنشە، حالىقتىڭ باسىم بولىگى كۇنكورىسىن جالاقىسى، كاسىبى جانە ءوز ەڭبەگى ارقىلى قامتاماسىز ەتۋگە ۇمتىلادى. ال مەملەكەتتىك الەۋمەتتىك كومەككە ومىرلىك قيىن جاعدايعا تاپ بولعان ازاماتتاردىڭ بەلگىلى ءبىر ساناتى جۇگىنەدى.
مەنىڭ ويىمشا، قازاقستاندىقتاردىڭ بارلىعى الەۋمەتتىك كومەك الۋدى عانا ويلاپ جۇرەدى دەۋ دۇرىس ەمەس. ازاماتتاردىڭ باسىم بولىگى جالاقىسىنا، كاسىبىنە جانە ءوز ەڭبەگىنە سۇيەنەدى. ارينە، ومىرلىك جاعدايلارعا بايلانىستى مەملەكەت كومەگىنە مۇقتاج ازاماتتار بار. ولارعا قولداۋ كورسەتۋ - قالىپتى ءارى دۇرىس نارسە، - دەدى ۇلتتىق بانك ءتوراعاسى.
ونىڭ ايتۋىنشا، الەۋمەتتىك كومەككە جۇگىنەتىن ازاماتتاردىڭ ەداۋىر بولىگىندە ءىرى دەپوزيتتىك جيناقتار بولماۋى مۇمكىن. سوندىقتان بۇل باستاما سالدارىنان بانكتەردەگى سالىمدار جاپپاي ازايادى دەپ ەسەپتەۋگە نەگىز جوق.
ەگەر ازاماتتاردىڭ دەپوزيتتەرىندە ەلەۋلى جيناقتارى بولسا، ولار مەملەكەتتىك كومەككە جۇگىنبەۋى دە مۇمكىن. سوندىقتان بۇل وزگەرىس دەپوزيت نارىعىنا ايتارلىقتاي اسەر ەتەدى دەپ ويلامايمىن. بۇعان الاڭداۋدىڭ قاجەتى جوق، - دەدى سۇلەيمەنوۆ.
زاڭنامالىق وزگەرىستەر ءالى ناقتىلانۋى كەرەك
جۋرناليستەر دەپوزيتتەردەن بولەك، «كەلەشەك» جيناقتارىنىڭ جاڭا تارتىپكە كىرەتىن- كىرمەيتىنىن دە سۇرادى. الايدا ۇلتتىق بانك ءتوراعاسى بۇل ماسەلەنى ەڭبەك جانە حالىقتى الەۋمەتتىك قورعاۋ مينيسترلىگىنەن ناقتىلاۋ قاجەت ەكەنىن ايتتى.
ونىڭ سوزىنشە، ءتيىستى زاڭنامالىق وزگەرىستەر سول كەزدە ءالى تۇپكىلىكتى بەكىتىلمەگەن. وزگەرىستەر كۇشىنە ەنگەننەن كەيىن ولاردى ىسكە اسىرۋ ءتارتىبىن، ادىستەمەسىن جانە باسقا دا ەگجەي-تەگجەيىن ايقىندايتىن نورماتيۆتىك اكتىلەر ازىرلەنۋى كەرەك.
سۇلەيمەنوۆتىڭ تۇسىندىرۋىنشە، زاڭنامالىق وزگەرىستەردىڭ 1-قاڭتاردان باستاپ كۇشىنە ەنۋى جوسپارلانعان، ال ودان كەيىن قوسىمشا نورماتيۆتىك قۇجاتتاردى ازىرلەۋگە شامامەن ەكى اي قاجەت بولۋى مۇمكىن.
سوندىقتان دەپوزيتتەر مەن وزگە دە جيناقتاردىڭ ا ا ك تاعايىنداۋ كەزىندە قالاي ەسكەرىلەتىنىنە قاتىستى ناقتى تالاپتار كەيىنىرەك بەلگىلى بولادى.
ۇلتتىق بانك ءتوراعاسى جاڭا ءتارتىپتىڭ دەپوزيت نارىعىنا ىقپالىنا قاتىستى ايتارلىقتاي ءقاۋىپ كورمەيتىنىن ايتتى.