باكۋدە 15 ادام ەتيل سپيرتىنەن ۋلانىپ كوز جۇمدى

قايتىس بولعاندار سپيرتتىڭ جوعارى مولشەرى بار گيگيەنالىق قۇرالداردى قولدانعان بولۋى مۇمكىن، دەپ حابارلايدى ازەربايجاننىڭ باس پروكۋراتۋراسىنىڭ مالىمەتىنە سۇيەنگەن Kazinform اگەنتتىگىنىڭ مەنشىكتى ءتىلشىسى.

- 22-23-اقپاندا باكۋ قالاسىنىڭ سابۋنچي اۋدانىنداعى ءارتۇرلى مەكەنجايلاردا 15 ادامنىڭ قايتىس بولعانى تىركەلدى. بۇل فاكتى بويىنشا ازەربايجان رەسپۋبليكاسىنىڭ قىلمىستىق كودەكسىنىڭ 314.3-بابى (ەكى نەمەسە ودان دا كوپ ادامنىڭ ولىمىنە اكەلگەن نەمقۇرايلىلىق) بويىنشا قىلمىستىق ءىس قوزعالدى، الدىن الا تەرگەۋ جۇرگىزىلىپ جاتىر. پروكۋراتۋرا قىزمەتكەرلەرى، كريميناليست- ساراپشىلار جانە سوت- مەديتسينالىق ساراپشىلار قىلمىس ورىندارى مەن مارقۇمداردىڭ دەنەلەرىن تەكسەرىپ، زاتتاي دالەلدەردى تاركىلەدى، - دەلىنگەن حابارلامادا.

الدىن الا قورىتىندىلار بويىنشا، قۇرباندار قۇرامىندا u جانە � سپيرتى بار ءارتۇرلى گيگيەنالىق قۇرالداردى قولدانعان.

- وقيعا ورنىنان بوس فلاكوندار مەن باسقا دا زاتتاي ايعاقتار تاركىلەندى. تەرگەۋ جۇرگىزىلىپ جاتىر، - دەپ حابارلادى باس پروكۋراتۋرا.

قاڭتار ايىندا ازەربايجاندا تۇرعىن ۇيدە قول گراناتاسىنىڭ جارىلۋى سالدارىنان بەس ادامنىڭ قازا تاپقان ەدى.

ازەربايجان قاۋىپسىزدىك كۇشتەرى لاڭكەستىك ارەكەتتىڭ الدىن العان ەدى.