استانا. قازاقپارات - وزبەكستاننىڭ اسا اۋىر سالماقتاعى بوكسشىسى، ەكى دۇركىن وليمپيادا چەمپيونى باحودير جالولوۆ قۇراماداعى كارەراسىن اياقتادى.
«15 جىل ءومىرىمدى اۋەسقوي بوكسقا ارنادىم. ءار نارسەنىڭ باسى مەن سوڭى بولادى. سول كۇن جەتتى. وسى جولىمدا كوپ سىن ايتىلدى. ءار سىننان ساباق الدىم، دۇرىس قورىتىندى شىعاردىم. اۋەسقوي بوكستا ەشقاشان اقشا ءۇشىن جۇدىرىقتاسپادىم. ەلىمنىڭ تۋىن جەلبىرەتۋدى عانا ويلادىم. وليمپيادا ويىندارىنان التىن تاققىم كەلدى. وعان جەتتىك. مەنى قولداعان جانداردىڭ بارىنە، اناما، باپكەرلەرىمە العىس ايتامىن. ەندىگى ماقساتىم - كاسىپقوي بوكستا بيىكتەن كورىنۋ»، - دەدى سپورتشى.
بوكسشى 2020 -جىلعى توكيو وليمپياداسى مەن بيىلعى پاريج وليمپياداسىندا توپ جارىپ، التىن مەدال يەگەرى اتانعان ەدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан