ب ۇ ۇ يادرولىق سىناقتارعا قارسى كۇرەس كۇنىن اتاپ ءوتتى
ب ۇ ۇ باس اسسامبلەياسى يادرولىق سىناقتارعا قارسى كۇرەس كۇنىن اتاپ ءوتتى. وسىعان وراي بەدەلدى ورگاننىڭ پلەنارلىق وتىرىسى وتكىزىلدى.
جيىندا باس اسسامبلەيا ءتوراعاسى دەننيس فرەنسيس قازاقستاننىڭ يادرولىق قارۋلاردى جويۋ، تاراتپاۋ جانە بەيبىت الەم قۇرۋ جولىنداعى باستامالارى مەن جۇزەگە اسىرعان ءىس- شارالارىنا ەرەكشە توقتالدى. ول سونداي-اق «سەمەي پوليگونىن جابۋ تۋرالى شەشىم -جويقىن قارۋسىز الەم قۇرۋدىڭ ۇلگىسى»، - دەپ اتاپ ءوتتى. قازاقستان جاھاندىق قاۋىپسىزدىكتى قۇرۋ يدەياسىن وسىدان 33 جىل بۇرىن كوتەرگەن. ەلىمىزدىڭ تاريحي باستاماسىن كوپتەگەن مەملەكەت قولدادى.
دەننيس فرەنسيس، ب ۇ ۇ باس اسسامبلەياسىنىڭ پرەزيدەنتى:
- مەن قازاقستاننىڭ يادرولىق سىناقتاردى توقتاتۋعا قاتىستى ساياساتىن تولىقتاي قولدايمىن. وتكەنگە كوز جۇگىرتسەك، ولاردىڭ سالدارى قانداي بولعانىن جاقسى بىلەمىز. جويقىن قارۋ ادامزاتقا قاسىرەت اكەلەرى ءسوزسىز. دەمەك الەمدەگى بارلىق ەلدەر ودان باس تارتۋى ءتيىس. ونىڭ ەڭ ءتيىمدى جولى - يادرولىق سىناقتارعا تىيىم سالۋ.
روبەرت فلويد، يادرولىق سىناقتارعا جان- جاقتى تىيىم سالۋ تۋرالى شارت ۇيىمىنىڭ اتقارۋشى حاتشىسى:
- يادرولىق سىناقتارعا قارسى حالىقارالىق كۇرەس كۇندى بەكىتۋ قازاقستاننىڭ باستاماسى بولدى. قازاق ەلى جويقىن قارۋدان باس تارتۋدىڭ ماڭىزىن دەر كەزىندە تۇسىنە ءبىلدى. وزگە مەملەكەتتەرگە ماسەلەنىڭ وزەكتىلىگىن كورسەتتى. قازاقستاننىڭ انتيادرولىق باستامالارىن قولدايمىز. وسى رەتتە مەن ءوزىم باسقارىپ وتىرعان ۇيىمنىڭ اتىنان قازاقستانعا العىسىمدى بىلدىرگىم كەلەدى.