استانا. KAZINFORM - ب ۇ ۇ قاۋىپسىزدىك كەڭەسى ۋكراينا ماسەلەسى بويىنشا 9-جەلتوقساندا اشىق وتىرىس وتكىزەدى. بۇل تۋرالى ب ۇ ۇ- عا ءتوراعالىق ەتەتىن سلوۆەنيانىڭ ب ۇ ۇ جانىنداعى تۇراقتى وكىلدىگىنىڭ باسپا ءسوز قىزمەتى حابارلادى، دەپ جازدى Report.
كەزدەسۋ جەرگىلىكتى ۋاقىت بويىنشا ساعات 10:00 دە (قازاقستان بويىنشا 20:00) باستالادى دەپ جوسپارلانعان. كەزدەسۋدى ۇلتتىق دەڭگەيدە سلوۆەنيا، سونداي-اق دانيا، فرانتسيا، ۇلىبريتانيا، گرەتسيا جانە كورەيا رەسپۋبليكاسى سۇرادى.
بۇعان دەيىن ا ق ش پەن ۋكراينا سوعىستى توقتاتۋ تۋرالى كەزەكتى كەلىسسوز وتكىزگەنىن جازدىق. سوڭعى ەكى اپتاداعى التىنشى كەزدەسۋدە تاراپتار ۋكراينادا تۇراقتى بەيبىتشىلىكتى ورناتۋ مۇمكىندىكتەرىن تالقىلادى.
سونداي-اق اق ءۇي ۋكراينا بويىنشا بەيبىتشىلىك جوسپارىنا ەلەۋلى وزگەرىستەر ەنگىزگەنىن مالىمدەدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.