ب ق و- دا اكىمدىك 107 ميلليون تەڭگەنىڭ جەر تەلىمىن 1,1 ميلليون تەڭگەگە ساتقان
استانا. KAZINFORM - باتىس قازاقستان وبلىسىنىڭ ارنايى پروكۋرورلارى زاڭسىز جەر بەرۋ ماسەلەسىنە بايلانىستى سوتقا دەيىنگى تەرگەۋدى اياقتادى، دەپ حابارلايدى ۆەدومستۆونىڭ باسپا ءسوز قىزمەتى.
باسپاءسوز قىزمەتىنىڭ مالىمەتتەرىنە قاراعاندا، بايتەرەك اۋدانىندا جالپى اۋدانى 45,9 گەكتار جەر تەلىمدەرى باۋ-باقشا جانە ساياجاي قۇرىلىسىنا ساتىپ الۋ قۇقىعىمەن ازاماتتاردىڭ جەكە مەنشىگىنە زاڭسىز بەرىلگەن.
ۋچاسكەنى جەكە مەنشىككە بەرۋ كەزىندە بەلگىلەنگەن تولەمنىڭ بازالىق مولشەرلەمەسى نەگىزسىز تومەندەتىلگەنى، وسىلايشا ۋچاسكەلەر 1,1 ميلليون تەڭگە كولەمىندە تومەن باعامەن ساتىلعانى انىقتالدى، ال ناقتى باعاسى 107,3 ميلليون تەڭگەنى قۇرادى.
اۋداندىق جەر قاتىناستارى ءبولىمىنىڭ باستىعىنا قاتىستى قىزمەتتىك وكىلەتتىكتەردى اسىرا پايدالانعانى ءۇشىن ارنايى پروكۋرورلار سوتقا دەيىنگى تەرگەپ-تەكسەرۋدى (ق ر قىلمىستىق كودەكسىنىڭ 361-بابىنىڭ 4-بولىگى 3-تارماق) جۇرگىزدى.
قىلمىستىق ءىس اۋداندىق سوتقا جىبەرىلدى.
2024 -جىلدىڭ 16 -قىركۇيەگىندە سوت سوتتالۋشىنى كىنالى دەپ تاۋىپ، 3 جىل 6 ايعا باس بوستاندىعىنان ايىردى.
مەملەكەتكە كەلتىرىلگەن شىعىندى وتەۋ تۋرالى تالاپ تولىعىمەن قاناعاتتاندىرىلدى.
اۆتور
ايدار وسپاناليەۆ