ب ۇ ۇ باسشىسى: گازا سەكتورىنىڭ سولتۇستىگىندەگى بەيبىت تۇرعىنداردىڭ جاعدايى اۋىر «ءتوزۋ مۇمكىن ەمەس»
استانا. KAZINFORM – ب ۇ ۇ باس حاتشىسى انتونيۋ گۋتەرريش يزرايلدىڭ قارقىندى اسكەري وپەراتسياسى جالعاسىپ جاتقان گازا سەكتورىنىڭ سولتۇستىگىندەگى قازا بولعاندار، جارالانعاندار مەن قيراعان عيماراتتار اۋقىمىنا «تاڭقالدى» دەدى ونىڭ باسپا ءسوز حاتشىسى مالىمدەمەسىندە. بۇل تۋرالى شينحۋا اگەنتتىگى جازدى.
گازانىڭ دەنساۋلىق ساقتاۋ مينيسترلىگىنىڭ مالىمدەمەسىنە سايكەس، سوڭعى بىرنەشە اپتادا گازادا جۇزدەگەن ادام قازا تاۋىپ، 60 مىڭنان استام ادام قايتا قاشۋعا ءماجبۇر بولدى، كوپشىلىگى قايتىپ ورالا المايمىز دەپ قورقادى، دەلىنگەن حابارلامادا.
مالىمدەمەدە «گازانىڭ سولتۇستىگىندە قاماۋدا قالعان پالەستينالىق بەيبىت تۇرعىنداردىڭ جاعدايى ادام توزگىسىز» دەلىنگەن.
بىرىككەن ۇلتتار ۇيىمىنىڭ باس حاتشىسى ءوز مالىمدەمەسىندە قاقتىعىس تاراپتارى بەيبىت تۇرعىنداردى، سونىڭ ىشىندە گۋمانيتارلىق قىزمەتكەرلەر مەن العاشقى كومەك كورسەتۋشىلەردى قۇرمەتتەۋگە جانە قورعاۋعا ءتيىس، ولاردىڭ ومىرلىك ماڭىزدى جۇمىسى جەڭىلدەتىلىپ، قورعالۋى ءتيىس ەكەنىن اتاپ ءوتتى.
ب ۇ ۇ باسشىسى تەز ارادا اتىستى توقتاتۋعا، بارلىق كەپىلگە الىنعانداردى شۇعىل ءارى سوزگە كەلمەستەن بوساتۋعا جانە حالىقارالىق قۇقىققا سايكەس قىلمىستار ءۇشىن جاۋاپكەرشىلىككە تارتۋ تۋرالى ۇندەۋلەرىن قايتالادى.