ب ۇ ۇ باس حاتشىسىنىڭ قازاقستانعا ساپارىنىڭ ەگجەي-تەگجەيى بەلگىلى بولدى
استانا. KAZINFORM - ب ۇ ۇ باس حاتشىسى انتونيۋ گۋتەرريشتىڭ ورتالىق ازيا ەلدەرىنە ساپارى اياسىندا 3-تامىزدا قازاقستانعا ساپارىنىڭ ەگجەي-تەگجەيى بەلگىلى بولدى، دەپ حابارلايدى ب ۇ ۇ-نىڭ قازاقستانداعى وكىلدىگى.
الماتىعا ساپارى بارىسىندا باس حاتشى قازاقستان رەسپۋبليكاسىنىڭ پرەزيدەنتى قاسىم-جومارت توقايەۆپەن كەزدەسىپ، سونداي-اق ۇكىمەت وكىلدەرى مەن ب ۇ ۇ قىزمەتكەرلەرىنىڭ قاتىسۋىمەن وتەتىن ءبىرقاتار ءىس-شاراعا قاتىسادى.
ساپاردىڭ باستى وقيعاسى ب ۇ ۇ مەن قازاقستان ۇكىمەتى اراسىنداعى ب ۇ ۇ-نىڭ ورتالىق ازيا مەن اۋعانستان ءۇشىن ورنىقتى دامۋ ماقساتتارى بويىنشا وڭىرلىك ورتالىعىن (و د و) قۇرۋ تۋرالى كەلىسىمگە قول قويۋ بولماق.
قۇجاتقا قول قوياتىن تاراپتار - قازاقستان رەسپۋبليكاسىنىڭ پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ جانە ب ۇ ۇ-نىڭ ەكونوميكالىق جانە الەۋمەتتىك ماسەلەلەر جونىندەگى باس حاتشىسىنىڭ ورىنباسارى لي جيۋنحۋا بولماق.
اتالعان ورتالىق 2030 -جىلعا دەيىنگى تۇراقتى دامۋ سالاسىنداعى كۇن ءتارتىبىن وڭىرلىك دەڭگەيدە ىلگەرىلەتۋ ءۇشىن ماڭىزدى الاڭعا اينالادى.
- بۇل ب ۇ ۇ باس حاتشىسىنىڭ قازاقستانعا ءۇشىنشى ساپارى، ول ب ۇ ۇ مەن قازاقستان رەسپۋبليكاسى اراسىنداعى سەرپىندى ىنتىماقتاستىقتى، سونداي-اق ەلدىڭ ايماقتاعى كوپجاقتىلىق پەن تۇراقتى دامۋدى ىلگەرىلەتۋدەگى كوشباسشى رەتىندە ءوسىپ كەلە جاتقان ءرولىن تانىتىپ وتىر. باس حاتشى ءوز سوزىندە حالىقارالىق ىنتىماقتاستىقتى نىعايتۋدىڭ، جاھاندىق سىن-قاتەرلەرگە، سونىڭ ىشىندە كليماتتىڭ وزگەرۋىنە، سيفرلىق ترانسفورماتسياعا قارسى تۇرۋ جانە بەيبىتشىلىكتى قامتاماسىز ەتۋدىڭ ماڭىزدىلىعىن اتاپ وتەدى دەپ كۇتىلىپ وتىر، - دەپ اتاپ ءوتتى ب ۇ ۇ وكىلدىگى.
ب ۇ ۇ قازاقستاندى ينكليۋزيۆتى ەكونوميكالىق ءوسۋ مەن تۇراقتى ەكولوگيالىق شەشىمدەردەن باستاپ ادام قۇقىقتارى، گەندەرلىك تەڭدىك، دەنساۋلىق ساقتاۋ جانە ءبىلىم بەرۋ سياقتى كەڭ اۋقىمدى سالالاردا قولدايدى. 2024 -جىلى سەرىكتەستەرمەن بىرلەسىپ قازاقستانعا كورسەتىلگەن قولداۋ كولەمى 37 ميلليون ا ق ش دوللارى بولدى.
ايتا كەتەلىك بىرىككەن ۇلتتار ۇيىمىنىڭ باس حاتشىسى انتونيۋ گۋتەرريش قازاقستانعا ساپارمەن كەلەتىنى تۋرالى جازعان ەدىك.