ب ۇ ۇ: گازادا 50 مىڭ جۇكتى جانە بالا ەمىزەتىن ايەل بىرنەشە كۇننەن بەرى اش وتىر
استانا. KAZINFORM - بىرىككەن ۇلتتار ۇيىمىنىڭ حالىقتى ورنالاستىرۋ قورى (UNFPA) گازا سەكتورىندا 50 مىڭعا جۋىق جۇكتى جانە بالا ەمىزەتىن ايەل بىرنەشە كۇننەن بەرى تاماققا قول جەتكىزە الماي جۇرگەنىن جەتكىزدى، دەپ حابارلايدى Anadolu.
UNFPA-نىڭ اراب ەلدەرى بويىنشا ايماقتىق كەڭسەسى مالىمدەمە جاساپ، گازاداعى جۇكتى ايەلدەر، انالار مەن سابيلەردىڭ جاعدايى وتە ناشار ەكەنىن جەتكىزدى.
- گازا سەكتورىنداعى جۇكتى جانە بالا ەمىزەتىن 50 مىڭ ايەل بىرنەشە كۇننەن بەرى تاماق ىشپەي وتىر. نارەستەلەر تىم ەرتە نەمەسە شالا تۋىلىپ جاتىر، - دەلىنگەن حابارلامادا.
مالىمدەمەدە انالار اراسىنداعى دۇرىس تاماقتانباۋ كۇردەلى ماسەلە بولىپ وتىرعانى، سونداي-اق نارەستەلەرگە بەرەتىن ءسۇت قوسپالارى تاۋسىلعانى ايتىلعان.
- گازا سەكتورىنداعى جاڭا تۋعان نارەستەلەرگە ءولىم نەمەسە ءومىر بويى اسقىنۋ قاۋپى ءتونىپ تۇر. بۇعان جول بەرمەۋگە بولادى - گۋمانيتارلىق كومەككە قولجەتىمدىلىكتى اشىڭىزدار، - دەپ مالىمدەدى ۇيىم.
ناۋرىز ايىنان باستاپ گازا سەكتورىنداعى شەكارا وتكەلدەرى ارقىلى گۋمانيتارلىق كومەك جەتكىزۋگە توسقاۋىل قويعان يزرايل شابۋىلدارى ايماقتا اۋقىمدى گۋمانيتارلىق اپات تۋدىردى.
يزرايل ارمياسى ازاماتتىق ينفراقۇرىلىم نىساندارىنا جانە قونىس اۋدارعان پالەستينالىقتارعا جۇيەلى تۇردە سوققى بەرىپ جاتىر. سونداي-اق ا ق ش پەن يزرايلدىڭ قولداۋىمەن گازا گۋمانيتارلىق كومەك قورىنىڭ كومەگىمەن قۇرىلعان ايماقتارعا بەت العان، اشتىقتان زارداپ شەككەن گازالىقتارعا شابۋىل جاسالعانى تۋرالى حابارلاندى.
27-مامىردان باستاپ «ءولىم تۇزاعى» رەتىندە پايدالانىلاتىن كومەك تاراتۋ ورتالىقتارىنىڭ جانىندا يزرايل شابۋىلىنان قازا تاپقاندار سانى 766 عا، ال جارالانعاندار 5044 كە جەتتى.
يزرايل مەن حاماس گازاداعى اتىستى توقتاتۋ بويىنشا كەلىسىمگە كەلە باستاعانىن جازعان ەدىك.