ب ا ءا مەن رەسەي اراسىنا ۇشاتىن بارلىق رەيستەر توقتادى

دۋباي. KAZINFORM - ب ا ءا- ءنىڭ ابۋ-دابي، شاردجا جانە راس-ەل-حايما قالالارىنان رەيستەر ورىندايتىن Air Arabia اۋە كومپانياسى ب ا ءا مەن رەسەي اراسىنداعى بارلىق رەيستەردى 20 -ماۋسىمعا دەيىن توقتاتتى. بۇل تۋرالى اۋە كومپانياسىنىڭ رەسمي سايتىندا حابارلاندى، دەپ جازدى تاسس.

تاسىمالداۋشى يراك پەن يرانعا ۇشۋلاردى 30-ماۋسىمعا دەيىن توقتاتۋ تۋرالى شەشىمدى دە ۇزارتتى.

ليۆان مەن يوردانياعا ۇشاتىن تۇراقتى رەيستەر تيىسىنشە 18 جانە 21-ماۋسىمدا قايتا ۇشا باستايدى.

شاردجا نەمەسە ابۋ-دابي ارقىلى ترانزيتپەن اتالعان ەكى ەلگە باعىت العان جولاۋشىلارعا شىعۋ اۋەجايىندا ۇشۋعا رۇقسات بەرىلمەيدى.

ەسكە سالا كەتەيىك، تاياۋ شىعىستاعى جاعدايدىڭ ۋشىعۋىنا بايلانىستى يران مەن يراك اۋە كەڭىستىگىن جاپتى. وسى ماسەلەگە قاتىستى Air Astana كومپانياسى رەيستەر اۋە كەڭىستىگىن اينالىپ ۇشاتىنىن حابارالاعان ەدى.

يران يزرايلگە تاعى دا زىمىران جىبەردى.

بۇگىن سىرتقى ىستەر مينيسترلىگىنىڭ رەسمي وكىلى ايبەك سمادياروۆ تاياۋ شىعىستاعى جاعدايدىڭ ۋشىعۋىنا بايلانىستى يران، يزرايل، سيريا، يراك، يوردانيا جانە ليۆاننىڭ اۋە كەڭىستىگى، شەكارالارى جانە ماڭىندا ۇشۋعا شەكتەۋ قويۋىنا قاراماستان، اتالعان مەملەكەتەرگە تۋريستەردىڭ لەگى ازايماي وتىرعانىن ايتتى. تاياۋ شىعىسقا ساپار الدىندا بارلىق تاۋەكەل ەسكەرىلۋى ءتيىس ەكەنىن ەسكەرتتى.