ب ا ءا-دە اۋا تەمپەراتۋراسى مامىر ايىنداعى رەكوردتىق دەڭگەيگە جەتتى

استانا. KAZINFORM - ب ا ءا-دە اۋا تەمپەراتۋراسى مامىر ايىندا مەتەورولوگيالىق باقىلاۋلاردىڭ بۇكىل كەزەڭىندە ەكىنشى كۇن قاتارىنان رەكوردتىق دەڭگەيگە جەتتى، دەپ حابارلايدى Oxu.az.

ەلدىڭ شىعىسىندا ورنالاسقان سۆەيحان ايماعىندا اۋا تەمپەراتۋراسى سەلسي بويىنشا 51,6 گرادۋسقا دەيىن كوتەرىلسە، ءبىر كۇن بۇرىن ابۋ-دابيدە 50,4 گرادۋس ىستىق بولىپ، مامىر ايىنداعى رەكورد تىركەلدى.

بۇل تۋرالى ب ا ءا ۇلتتىق مەتەورولوگيالىق ورتالىعى حابارلادى.

- بۇگىن ەلدە تىركەلگەن ەڭ جوعارى تەمپەراتۋرا سۆەيحاندا جەرگىلىكتى ۋاقىت بويىنشا 13:45-تە 51,6 گرادۋس سەلسيگە جەتتى، - دەلىنگەن ورتالىقتىڭ X-تەگى پاراقشاسىندا.

2010 -جىلى ءال-ياسات ارالىندا تىركەلگەن ب ا ءا تاريحىنداعى ابسوليۋتتى تەمپەراتۋرا رەكوردى نەبارى 0,4 گرادۋسقا عانا از بولدى.

ايماقتا بيىل جىلداعىدان ەرتەرەك اپتاپ ىستىق بولدى. ۇلتتىق مەتەورولوگيا ورتالىعىنىڭ حابارلاۋىنشا، ءساۋىر ايىنداعى ورتاشا ماكسيمالدى تەمپەراتۋرا رەكوردتىق كورسەتكىش - 42,6 گرادۋسقا جەتتى. بۇل ب ا ءا بيلىگى دەنساۋلىققا ەسكەرتۋ جاساپ، ادامداردى كۇننىڭ ىستىعىندا اشىق اۋادا فيزيكالىق بەلسەندىلىكتەن اۋلاق بولۋعا شاقىردى.